13th DECEMBER, 2015 : VOL.I, ISSUE NO. 27 ; BAIRABI NORTH PYD ; PATHIANNI,

VAWIINAH  SUNDAY SCHOOL EXAM

Vawiin, Pathianni hi General Sunday School Department in a ruahman angin Exam ni a ni a, North East India UPC huamchhunga local tinah Exam neih a ni ang. Rev. R. Laichhingpuia, General Sunday School Director chuan North East India huamchhunga Local tinte thahnemngai taka exam turin a chah a, harsatna awm lova exam kalpui a nih theihnan duhsakna a hlan bawk.

CHAWNGHEI |AWNG|AI

Vawiin Pathianni tlai dar 4:30 pm hian Local LAD buatsaihsaihin Biak In-ah chawnghei tawngtaina neih a ni dawn a. He tawngtai inkhawm hi Sis. Lalniengvari’n a kaihruai ang. Kohhran mipuite Lalpa beiseitu apiangte chu he chawnghei tawngtai inkhawmnaa tel tur hian min sawm a ni.

|AWNG|AIPUI NGAI

Bro. Lalmuansanga (Laltuka) s/o Bro. Lalhuapliana PYD member chu hun reitak khum betin a na tawh a. Kohhranho ten tisa leh thlarauvah damna famkim a chan theihnan i tawngtaipui ang u.

KRISMAS HNATLANG |HULH LEH

Krismas Committee-in Dt. 12/12/2015 (inrinni)-a Krismas thingphurh hnatlang nei tura alo rel chu khawtlangah chhiat kan tawh avangin thulh leh a ni.

NAUPANG SUNDAY SCHOOL HRIATTIRNA

Vawiin Dt. 13/12 (Pathianni) hmang hian Naupang Sunday School chuan kumtawp Exam a nei dawn a. Kohhran chhungkuaa nu leh paten kan fate thahnemngai taka exam tir theuh turin kan inngen e.

LOCAL PYD COMMITTEE KOHNA

Vawiin Dt. 15 Pathianni chawhma inkhawm banah hian Bro. J Lalchhuanawmate inah Head Quarters Local PYD  Committee koh a ni a. Committee members te kim taka kal turin kan inngen e.

- KEIMAHNI -

Thupha Chawina

Beer Lahai Roi, kartin chhuak chanchinbu chu Press lam khawl thatlohna avangin Pahianni vawi 3 lai mai kan chhuah thei ta lova. Chhiartu Kohhran mipuite inmi hriatthiamna leh ngaihdamna kan ngen takzet a ni. Article/Sermon (Thuziak)-te lo thehlut leh turin a tharin kan inngenin kan insawm leh e. Tin, Bairabi Bial chhunga Kohhran mipuite hriattur pawimawh leh tawngtaipui ngaite thawh duh kan awm anih chuan chhuah theih reng a ni bawk e.

15th NOVEMBER, 2015 ; VOL.I, ISSUE NO. 26 ; BAIRABI NORTH PYD ; PATHIANNI,

BIAL MUSIC SUB-COMMITTEE VAWI 5-NA ROREL TLANGPUI

* District PYD Conference, Thenzawl a neih turah hian sawmna a awm angin zai ve ngei nise tha tih a ni.
* Bial PYD Zaipawl Camping : Dt. 23 atanga 27 November hian Bial PYD Zaipawl Camping neih tur a ni a. A hmun atan Bro. J. Lalchhuanawmate inchung a ni ang.
* Krismas Carol : Bial PYD Zaipawl huaihawtin Bial huap Krismas Carol neih nise ti a rel a ni a. A hun atan December 17 leh 18 ruat a ni.
* Sumtuak hnatlang chungchang ngaihtuah niin, hnatlang chu neih ngei nise tia rel a ni a. A hun atan Nov, 21 (inrinni) a ni ang.
* Bial PYD Zaipawl Music Video siam chungchang rel a ni a. Bial PYD Conference Agenda atan dah nise tih a ni.
* Zaia rawngbawlna neih chungchang rel a ni a. District PYD Conference a hlasak tur inbuatsaihna ni pah fawmin Bairabi South Local ah leh Bairabi Bethel Local-ah te rawngbawlna neih nise tha tih tlan a ni. A hun atan Dt. 28 leh 29 Inrinni leh Pathianni zan a ni ang. Hetiangin :
Dt. 28 Nov., Inrinni Zan :  Bairabi Bethel Local
    Dt. 29. Nov., Pathianni Zan : Bairabi South Local
* Bial PYD Zaipawl member mipate tan necktie siam chungchang rel a ni a. District PYD Conference hma ngeia nei hman turin hmalakna kalpui nise tih a ni.

VAWIINAH LOCAL PYD BUDGET KHAWN DAWN

Vawiin Dt. 15/11 Pathianni tlai chawhnu inkhawm ban hian Fellowship programme nei lovin Budget (faith promise) khawnna nei tur a ni a. Budget khawnnaah hian Local PYD memberte a tam thei ang ber kal turin kan inngen a. A kal turte chuan mahni Budget ken khawm nghal nise, innghahkhawmna hmun atan Bro. J. Lalchhuanawmate in a ni ang.

DECORATION SUB COMMITTEE KOHNA

Vawiin Dt. 15 Pathianni chawhma inkhawm banah hian Upa Lalmakthangate inah Head Quarters Local PYD Decoration Sub Committee koh a ni a. Committee members te kim taka kal turin kan inhriattir e.

8th NOVEMBER, 2015 ; VOL.I, ISSUE NO. 25 ; BAIRABI NORTH PYD ; PATHIANNI,

NORTH MIZORAM DISTRICT AH REVIVAL CONFERENCE

     North Mizoram District chhunga Kohhran member ten kum tina Thlarau lama intuaitharna an neih thin angin Oct. Ni 7 Inrinni zan atang hian Revival Conference Bial 5-ah an nei dawn.
    Revival Conference nei tur hian Bial inkawp tur te siamin, heng bial inkhawp hrang hrangte hian Conf. an neih dan tur an ruahman thin a, kum leha Conf. thleng tur leh an hmalak dan tur hrang hrang an rel thin a ni.
    Kum 2015 atana Revival Conf. thlengtu leh Bial inkawp dan te tarlang ila:
1. Phainuam Biala Revival Conf. hmang tur bial te: Phainuam, Vairengte, Bairabi, Bilkhawthlir leh Kolasib Venglai Bial.
2. Sumsuih Biala Revival Conf. hmang tur bial te:: Headquarters, Thenzawl, Tlangnuam, Sialsuk, Aibawk  leh Sumsuih Bial.
3. Chaltlang Biala Revival Conf. hmang tur bial te:: Hunthar, Lengpui, Mamit, West Phaileng, Rengdil, Tlangsang leh Chaltlang Bial..
4. Kanghmun Biala Revival conf. hmang tur bial te: Kanghmun, Maubawk, Dinthar leh Chawlhmun Bial.
5. Kawngpui Biala Revival conf. hmang tur bial te: Kawnpui, Durtlang, Bukpui leh Kol. Diakkawn te an ni ang.
    Heng Revival Conference hmang mek bialte hi karleh thawhtanni Oct. Ni 9-ah an tiak dawn a ni.

BIAL 5-JOINT REVIVAL PHAINUAM-A KALTE

Local tin atanga kal zat:
1. Bairabi Head Quarters Local : 27
2. Bethel Local : 10
3. Bairabi South Local : 6
4. Dinthar Local : 3
5. Saikhawthlir Local : 7
6. Meidum : 4
Bial 5 Joint Revival Phainuam a  neih turah hian Report tawhna atanga kan dawn danin Bairabi Bial atangin member 57 kalin Sumo panga (5) hman a ni a. Two Wheeler pali (4) a kal an awm bawk. Kan Bial aiawha kalchhuakte Revival hlawhtling tak an hman ngei theihna turin i tawngtaipui ang u.

LOCAL PYD BUDGET KHAWN HUN SAWN

    Vawiin Dt. 08/11/2015 (Pathianni) hi 2nd Sunday anih angin Local PYD Budge khawn hun a ni a. Amaherawhchu Bial 5-Joint Revival ah Local PYD member thahnemtak an kal avangin a lehpek Dt. 15/11/2015 ah khawn tura sawn a ni.

DAMNA I DILPUI ANG U

1. Bro. Isak Lalremtluanga   Natna : mit a lungte awm
2. Christina Lalmalsawmi
 

CHAWNGHEI TAWNGTAI

Vawiin hi 2nd Sunday anih angin Local LAD bul tumin Head Quarters Local Biak Inah chawnghei tawngtaina hun hman a ni ang.

KRISTA DODAL TU (I Johana 2:18-19) - C. Dengkima

Naute u, hnuhnung ber chu a ni  e, Krista dodaltu a lokal ang tih in hriat ang khan, tunah pawh Krista dodaltu tam tak an lo chhuak ta, chuvang chuan hun hnuhnung ber a ni tih kan hria e. An ni chu kan zing atangin an chhuak a, nimahsela, keimahni mi tak an nilo ve; Keimahni mi tak ni sela, kan hnen ah an awm ve zel tur a ni si a, nimahsela, an zain keimahni mi tak an nilo vek tih alan fiah theih nan min chhuahsan ta a ni.
        

Aw le, vawiin ah hian, kan ngaihtuah ho tur hi keima mimal chuan, ka lo ngaihtuah fo thin a ni a, tun tum chu ka han au chhuah pui dawn teh ang, hman ni ah khan, ka fapa S.D.A in, ‘Kapa hei hi han chhiar ve teh’ a ti a, Ka han en a Pathian pakhat UPC in kan lo au chhuah pui hi kan lo ti diklo nasa hle a, Bible kan lo bel lo lutuk a ni, tih leh Sunday kan serh hi a lo ni lova, Sabbath ngei hi Israel te hnen a Pathian pek a lo ni a, tih thu chu, F. Lalrokima, Zemabawk High sikul veng inti hian a ziak a lo ni a, hrep takin an local ah emaw, an bial ah emaw beisei a nei ang a, a beisei an pe si lova nga, emaw S.D.A ah ngaihzawng anei ang a, tlak tlum aduh vang a ni ngei ang, ka ti a. 1947 ah khan Union hla pakhat chuan, “ Pawl tin reng ten, sirah min hnawl, min chawi lian tu an ni,” an tih ang deuh khan, Mizoram ah 70 zet te hian UPC hi an huat ber leh an er ber a ni a, mahse min chawi lian tu an ni vek. Tichuan, keichuan, e, e e, khanglang chuan, hmaichhan ah ngei han inhnial ava chakawm ve le, tih chu ka sawi tahial a ni. Awle, Johana’n, ‘Krista der tam tak anlo chhuah tak hi’ a tih angin, kan kohhran atangin, Pastor der, Evangelist der, Upa der, Rawngbawltu der, tamtak anlo chhuak ta, kan zing atang hian , engzat tak chu la chhuak leh ang maw le!! Tirhkoh Paula’n, ‘ka kal hnuin Chinghne kawlh te in ah anlo lut ang a pawlho chu an zuah lovang tih ka hria e, in zing a mi ngei pawh hi thu hran sawi in lo awm ang, in zing a mi ngei pawh hi zirtir hote, in hnen a pakaitir turin thu hran sawi in lo la awm ang’. Tirhkohte 20:29-30 tia min hrilh angin, keini UPCI atang hian, thu hran sawi, A.P.C te, zero te, IKK te, reform church te,UPC Mizoram inti te,heng ho hian hmeichhe zuanglam deuh leh Mipa chanvo tha chang lo te tam tak an huikhawm tel a, Paula sawi angin, zirtir hote chu, Johana sawi angin, Krista der tam tak anlo chhuah phah ta a ni. Local tin ah Headquarter thlengin, zawlnei der, Pastor der, Tirhkoh der,Upa der, Rawngbawltu der, Department hruaitu der, member der, Krista dodaltu, Kohhran tak zingah anlo in phum ru teuh mai lo niin, heng ho te hi alwm,Johana’n , “ Keimahni mitak an nilo tih alan fiah theih nan min chhuahsan tu an ni,” a lo tih chu tidik tu an ni.
        

Aw le, Pawl dang zawng zawng aiin, keimahni zing atang a chhuak te hi Setan, Diabola chuan hun tlem te anei tawh tih a hriat avangin, heng, pawl chhuak ho hmang hian seh tur zawngin a phi ruai anih hi. Chuvang chuan, Paula sawi angin, Chinghne kawlh leh Keipui kawlh koham bawk si hi Beram ho tan chuan han hneh rual ni hek lo le, a sa tha tha, leh a seh theih awlsam sam te chu, a huang a mi emaw, i kawmhnuaia i vawk vulh lai leh i Kel, i Sial, i Bawng, veng lova an duhna lam lam a i tlattir te kha, heng Chinghne kohamte, keipui riltam te chuan an thur nghauh nghauh mai anih kha,chuvang chuan tun a mite nilo pawh hi thuhran dang sawi anlo la chhuak leh zel ang. Chuvang chuan, nangni General lam a kan hruaitu te leh District lama kan hruaitu te leh Bial tin Pastor te leh bial hruaitu te u, Localhruaitu te thlengin awm mai mai suh u.Hnung lam a mit nei angin, mengin ngaihven bawk rawh u, awm mai lova thawk tute chu vur angin an la var dawn si a. Chuvang chuan thi tur a hruai te chu chhanchhuak thuai ula, thah mai tur te chu chhanchhuak thuai rawh. Ngaiteh, hei chu ka hrelo itih mai chuan, thinlung buk tu chuan a ngaihtuah dawn alawm, ni e i nunna vawng tu chuan a hre dawn lawm ni? Mitin an thiltih ang zelin a rul dawn lawm ni?Thufingte 24:11-12              

    Thufingte 27: 2-3 ah chuan, “ I Beram hruai te awmdan chu hriat tumin taihmak chhuah la,i ran rual te chu vengtha bawk rawh. Tirhkoh Paula sawi angin, kan hruaitu  te atangin thu hran sawi, a khat tawkin, kan awm tlat thin hi, Pentecost kohhran kan vanduaina ropui tak a ni. Keima mimal ngaihdan ah chuan  a hna lo tur a chelh a ni. Chapo na leh induh tawkna lian tak mai chu, Eden huan rim a nam rum rum. Chuvangin, tun a chin ah chuan, mi piangthar ngei ten, kohhran hruaitu hna hi chelh in thawk tawh sela.Hotu ruat thu ah hian kan fimkhur a pawimawh tak meuh meuh a ni. Hla in ringtu zinga sualna awm hian, kan Lal Isua hming an hril pawi zo ta, a lo tih angin, a pawi e tih ngawt loh chu, tihngaihna a awm lo a ni e, engvangin nge UPC te kan inthen darh reng thin? a vang a awm a ni mai! chumi avang chu, Vantirhkoh zinga Lucifer-a chu Pathian in amah dawltu atan, thiltihtheihna a pe a, a ni lah chuan, Pathian duhsakna chu hrethiam lovin, Pathian aia ropui zawk leh thiltithei zawk ah a in ngai a, lamtang a zawng a, Vantirhkoh hmun thum a then a hmun khat chu ahan ho thei mai a, chutiang deuh chuan UPC Mizoram pawh District hruaitu hmasa ber chuan a han hai then ta mai a ni.
        

Aw le, kan sawi tam ta hle mai a, heihi kan sawi leh lawk a nge,hei tunlai ti ila, hman kum atang khan, India ram ah ram pawn mi an tam avangin Buhfai lam ah leh thildang ah harsatna a len tak em avangin, India mi leh sa hriat a chu mi mil a ration siam rem nan U.I.D chu chhiarpui beh chhanin an siam a. Chu chu thenkhat in, Sakawlh chhinchhiahna tiin an theh darh chiam a, awih tawk lah bo lo. Sakawlh chhinchhiahna leh a number chu, mihring number a  ni a, 666 a ni, UID chu number nilovi’n, English tawng a ni a, number a nilo. Huntawp dawnah sakawlh number 666 a rawn hmang dawn a ni. Mi zawng zawng a lian,a te, bawih leh bawih lo an neih tir dawn, kha daih kha asin.Tin, kum thum leh a chanve hun chhung a mitur a ni a, sakawlh hun tawp dawn tep ah a ni ang, tuna sakawlh pawh lolang lo napui hemi denchhen hian, dan bawhchhiat na thuruk chu, Babulon Pathian zat, Kristian te’n Pathian pathum an nei hi a ni e. Kei, hmasa ber a leh hnuhnung ber a ka ni, kalo thi a, nimahsela kumkhua atan ka nung leh ta tiin, thupuan ah kan hmu a ni. Isaia’n keimah lo chu Pathian dang an awmlo, tih Pathianin a lo ziak tir a ni.
        

Aw le, tun ah hian Krista der anlo chhuak mek a, anla chhuak zel ang, Krista Isua a ka unau te lo in enfiah turin ka sawm a che u.
        Lal Isua chu ropui ber rawh se.

1st NOVEMBER, 2015 ; VOL.I, ISSUE NO. 24 ; BAIRABI NORTH PYD ; PATHIANNI,

BIAL 5-JOINT REVIVAL PHAINUAM AH

 Bial Board Rorel 3-na in a pass angin Bial 5 Joint Revival neihna hmun tur Lower Phainuam Local, Phainuam Bial a ni a. Bialpui chuan a kalna turin motor hire nise a ti a. Bial chhunga a Kohhran memberte a tam thei ang ber kal turin hruaitute chuan Lal Isua hmingin min sawm a ni. A kal turte chu mahni Local Church Board Secretary hnenah inhriattir vek tur a ni a, Church Board Secretary in Bial OB te hnenah Dt.04/11/2015 ral hmain thehluh vek tur a ni bawk e.
    

Bial 5 Joint Revival neih hun atan Dt.7-8 Nov., 2015 (Inrinni - Sunday) a ni ang. A kalturte chu Dt. 07/11/2015 Dar 10:00 AM ah Upa Kailash-a te In bulah innghahkhawm vek tur a ni. Mutbu intodelh vek nise a lawmawm hle ang.
Hun hmangtu turte :
¨ Date 7/11/2015 (Inrin Zan)
    Thusawitu    : Pastor P. Vanlalfela (Bairabi Bial)
¨  Date 08/11/2015 SUNDAY
    ZING    : Thusawitu : Rev. Lalrammuana
(District Superintendent)
    CHHUN :     Thusawitu : Bro. Lalnunmawia
(Secy. Bilkhawthlir Bial)
    ZAN :     Thusawitu : Upa Zoremmawia
(Kolasib Venglai Bial)

BIAL PYD ZAIPAWL HEAD QUARTERS LOCAL AH

Dt. 01/11/2015 (Pathianni) Zan hian Bairabi Bial PYD Zaipawlte chuan Head Quarters Local ah zai a rawngbawlna an nei ang.

DECORATION SUB COMMITTEE HRIATTIRNA

Vawiin Dt. 1st Nov., ‘15 (Pathianni) chawhma inkhawm banah hian Upa C. Lalmakthangate inah committe tur a ni. Committee hmasaber anih avangin Committee member te kal theuh turin kan inhriattir e.

ORPHANAGE SUNDAY

Vawiin hi Orphanage Sunday a ni a. Zanin inkhawmah hian Orphanage Sunday pualin thilpek lakkhawm a ni ang.

=============================================                  

ISUA HI JEHOVA A NI (Kumpuan Huang)

    Thuthlung Hluia Pathian pakhat chauh kha Isua Jehova hi a ni tih tilang fiah turin Pathian lehkhathu sawm leh pahnih kan han tarlang dawn a  ni.
   
    1.   Isaia 40:3 thu chuan Thlalera mi au rawl chuan, “LALPA (Jehova) lamlian sial ula” ati a, he hrilhlawkna thu hi Baptistu Johana khan a rawn tidik ta a ni tih Matthaia 3:3 thu hian a sawi a ni. Johana hian LALPA Isua Krista tan kawng chu a buatsaihsak tih kan hria. Hetah hianh LALPA (Jehova)  hi Isua sawi nan hian a hmang a ni. Jehova hi Pathian pakhat hming zahawm tak anih avangin Israelte Mi thianghlim tan chauh lo chuan mi dang sawi nan Bible hian a hmang ngailo.
    2.   Malakia 3:1 thu chuan, “In zawn LALPA (Jehova) chu a Biak Inah alo kal phut ang; Ngaiteh u, Thuthlung Tirhkoh in lawm em em chu alo kal e” tiin a sawi a. Kuta sak Biak In emaw  taksa Biak In emaw a sawi anih pawhin he thu hi Isuan a rawn tifamkim ta hrim hrim a ni.
   
    3.   Jeremia 23:5-6 thu hian Davida atanga zar alo chhuah tur a sawi a-hei hi Messia (Isua) sawina a ni ngei mai a – A hming chu “LALPA chu kan felna (Jehova Tsidkenu)” tih a ni. Kawng dang kan sawi chuan “LALPA (JEHOVA) CHU KAN FELNA” tih hi “Isua chu kan felna” tihna  a ni.
   
    4.   Isaia’n Jehova chanchin sawiin, “Ama ban ngei chuan Chhandamna chu  a insiam a” (Isaia 59:16); “A ban chuan a aiah ro a rel ang” tiin (Isaia 40:10). Isaia 53:1-2 thu chuan Messia (Isua) ngei hi LALPA (Jehova) ban lo lang chu a ni tih a sawi a. Tichuan Isua hi Pathian dang nilovin Khawvel chhandamna tura Jehova mihring tisa taksa chu  a ni.
   
    5.   Isaia chuan, “LALPA (Jehova) ropuina chu tihlan a ni ang a, mi zawng zawngin chu chu an hmu tlang dial ang” ati a (Isaia 40:4). Jehova chuan ropuina chu tu hnenah mah a pek loh tur thu a sawi bawk a (Isaia 42:8; 48:11). Chuti anih chuan he hrilhlawkna hi amah ngei ain tihlan chauhvin a thleng dik thei tihna a ni. Pa ropuina chu Isuan a nei tih Thuthlung Tharah kan hria a (Johana 1:14; 17:5). Ropuina Lalpa a ni (I Korinth 2:8). Isua chu alo kal leh hunah pawh Pa ropuinaa inthuamin alo kal dawn a ni (Matthaia 16:27; Marka 8:38). Tichuan Jehova ropuina chu Isua ropuina a ni a, chuvangin Isua hi Jehova chu a ni.
   
    6.   Jehovan heti hian a sawi a, “Chuvangin ka mite chuan ka hming an la hria ang; chuvangin chumi niah chuan a sawitu chu ka ni tih an hri ang; ngaiteh u, Keimah hi ka ni” tiin (Isaia 52:6). Isua hi Pa chanchin sawitu a ni a, Pa hming tilangtu a ni a, Pa hming hriattirtu a ni bawk a (Johana 1:8; 17:6; 17:26). Isuan LALPA (Jehova) hming chu a tilang a (Sam 22:22; Hebrai 2:12). Chutichuan Isua hi Jehova ngei a ni.
   
    7.   LALPA (Jehova) chuan, “Khup tinreng chu ka hmaah an thingthi tawh ang a, Lei tinreng pawhin ka hnenah chhechhamin thu an tiam tawh ang” ati a(Isaia 45:23). Hemi thu hi la chhuakin Paula’n mi zawng zawng Krista rorelna hmaa ding tur an nih thu a sawi a (Rom 14:10-11). Paula vekin, “Mitin Isua hmaah an thingthi dawn a ni” ati bawk a(Philippi 2:10).
   
    8.   Zakaria hian Isua Krista chu Jehova a ni tih finfiahna tha tak mai a sawi a. Zakaria 11:12-13 thuah chuan heti hian kan hmu a, “Tin, an hnenah chuan, tha in tih chuan ka hlawh chu min pe ula, intih loh chuan minm pe suh u, ka ti a; chutichuan ka hlawh atan cheng sawmthum an buk chhuak ta a. Tin, LALPA (Jehova) chuan ka hnenah, ka man atana tha awm tawk an chhiar chu bel vawtu hnenah pe mai rawh, ati a. Tin, cheng sawmthum chu ka la a, LALPA (Jehova) inah chuan, belvawtu hnenah chuan ka pe ta mai a ni” tiin. Zakaria 12:10 thuah chuan Jehova’n heti hian a sawi bawk a, “Tin, an chhuna chu min la rawn en ang” tiin. Isua hi cheng sawmthumna an hralha chu a ni a, an chhuna chu a ni bawk a (Matthaia 26:14-16; Johana 19:34).
              
    Zakaria 12:10 thuah chuan, “Davida chhungte chu Pathian ang an lo ni ang a” tih kan hmu bawk a, hei hi Messiah tlawhchhanin a sawi a ni. Zakaria 14:3-5 thuah chuan, “Tin, LALPA (Jehova) ka Pathian chu alo kal anga, A mi thianghlim zawng zawngte pawh I rualin an lo kal ang” tiin hnamte a do tur thu Olive tlanga a ke a rawn nghah tur thu kan hmu a, Isua hi a rawn kal leh hunah chuan Olive tlangah a ke a rawn nghat dawn a ni tih kan hria a, Lalte Lal ang leh hotute Hotu angin hnamte chu a rawn do bawk dawn a ni (Tirhkohte 1:9-12; I Timothea 6:14-16; Thupuan 19:11-16).
   
    9.   Paula, Juda lehkhathiam, Pharisai chungchuang, Kristiante tiduhdahtu kha Damaska khaw kalkawngah mitdel khawpa engin Pathianin a chhun thlu a, “Lalpa tunge I nih ?” tiin a zawt a. Juda a nih avangin Lalpa Pathian pakhat chauh a awm tih a hresa vek a, “Jehovah tunge I nih ?” tiin a au chhuak ta a, Lalpa (Jehova) chuan, “..Isua ka ni”” tiin a rawn chhang a nih kha.
   
    10. Mosia khan Pathian Jehova chu a be thin ngei tak a, Hebrai 11:26 thu chuan Aigupta ram hauhsakna ro zawng zawng aiin Krista an hmuhsitna chu Mosia chuan hausakna ropui zawkah a ngai a ni tih thu  a sawi , Mosia Pathian chu Isua Krista hi alo ni daih tawh tihna a ni.
   
    11.  Sam 68:18 thu chuan Jehova chu chunglama a chhoh thu leh a mante chu sala a hruai thu a sawi a, chutih lai chuan chunglama han chhova, a mante chu sala hruaitu chu Isua a ni tih kan hria. Eph 4:7-10 thu hian Isua chanchin hrilhlawkna a ni tih a tilang a ni.

==========================

VOL.I, ISSUE NO. 23 ; 25th OCTOBER, 2015 ; BAIRABI NORTH PYD ; PATHIANNI,

HEAD QUARTERS LOCAL PYD-IN SOUTH LOCAL PYD KAN DAWN

Local PYD Office Bearers Meeting in alo passed tawh angin Dt. 26/10/2015 (Thawhtan) Zan hian Bairabi Head Quarters Local PYD-te chuan Bairabi South Local an kan dawn a. He inkanna in a tum ber chu Thlarauvah chak lehzualna kan neih theihna turin leh inpawhna tha kan neih theihna turin a ni. North Local PYD member zawng zawngte Naktuk Zan inkan hunah hian a tam thei ang ber kal i tum theuh ang u. Bro. Lalbiakdika Pachuau-in tanna hun a hmang ang a. Bro. Lalrokima’n thusawina hun a hmang bawk ang.

FUNDAMENTAL DOCTRINE BANNER LEI THEIH DAWN

Bairabi Bial chhunga Local hrang hrangah Bairabi South Local PYD chuan Fundamental Doctrine Banner zawrh theihin a siam dawn a. Local hrang hrangten tlawmngaia minlo leisak turin Lalpa Isua hmingin kan ngen a che u. Amah Rs. 60 a ni ang.

LAWMTHU SAWINA

Bairabi North Local PYD chuan YMA General Conference chhung khan Ice Cream, Cold Drinks te a zuar a. Zuartute zawng zawng chungah hruaitute chuan lawmthu an sawi a ni. Ice Cream zawrh tur hi Bro. Richard Lalrinchhana leh Bro. R. Lalremruata-te chuan a lakna tur an buaipui a. Tin, Bro. Varhlunkima chu sum vawngtu niin PYD member thenkhatte leh Senior Department lam atang tein thahnemngai takin Ice Cream an zuar a. An chungah Local PYD chuan lawmthu a sawi tak meuh meuh a ni.
    Bro. R. Lalremruata’n a motor a thawh a. Tin, Pu R. Laldawnglianaten an Deep Freezer hmantirin Kohhran chhungkuaten an Fridge min hawhtir bawk a. Lalpa Isua hmingin lawmthu kan sawi a ni. Tin, Security lamin hmun min hman tir avangin a biktakin Bro. F. Lalhriattira chungah PYD chuan lawmthu a sawi a ni.
--------------------------------------

BIALTU PASTOR PROGRAMME

Bialtu Pastor P. Vanlalfela chu Mamit-a District Missions Department Conference ah a kal. Conference zawh hian alo kir leh ang. Kan tawngtainaah i hre reng ang u
--------------------------------------

DAMLO

* Sis. Canaan Ramchullovi, inherhpui
* Bro. Lalrintluanga (SouthLocal) Malaria natna veiin Damdawiinah Dt. 19 khan admit a ni a. Dt. 28 (Nilaini) khan Damdawiin atangin a chhuak leh a ni. Kan tawngtainaah i hre reng ang u.

=================================================

EDITORIAL : KOHHRAN LEH KHAWTLANG TAN

 Kan hmuh leh kan hriat theuh angin Mizorama inkhawmpui lian ber YMA General Conference Vawi 70-na chu naktip mai khian kan lo thleng dawn ta reng mai a. Chhungkua tam zawkte chuan he khawmpui lian lo thleng tur hi kan huphurh tlang hlein a rinawm. Amaherawhchu, he kan huphurhna tak hi kan thlen zawhna lai tur chu a ni tlat thung!

    Kan huphurh em avangin theihtawp chhuahin hnatlang, tangrual pawl tihtein chhumlo chatlovin hma kan han la tan chho mawp mawp a, kar khat lek hnuah pawh hmasawnna tamtak; faina kawngah, in leh lo, Biak In leh a vel chei thatna kawngahte hma kan sawn ta hle mai. Bawlhhlawm Bawmte kawng dunga dahin a bawma paihna changte kan lo hre chho tan ta.  Hmasawnna chi khat chu a ni e.

    Kan huphurh em em thin chu nghakhlel takin kan lo thlir thei ta! Mizoram pum huap khawmpui lian anih miau avangin Conference hun chhung zawnga kan chezia chuan kan khaw hming a chher dawn a. Kan awmdan leh chezia a lo mawi lo anih chuan, ‘Bairabi chu . . .” tih anih zel tawh dawn avangin mitinte nundan tha leh hawihhawm, Sunday School-ah leh Sermon-ahte kan ngaihthlak fo thin ang kha kan hman tangkai angai dawn hle a ni.
    

   Khawtlang hi kan awmna anih miau avangin a hmalakna reng reng kan hlamchhiah thiang lova, theihtawp chhuahin Kohhran leh Khawtlang tan kan inpe tur a ni. Amaherawhchu engpawh ti ila, Lalpa hre reng chungin kan ti tur a ni. Lal Isua hre reng chungin YMA Gen. Conference hman nuam vek ule 

=========================

VOL.I, ISSUE NO. 22 ; BAIRABI NORTH PYD ; PATHIANNI, 18th OCTOBER, 2015

LOCAL PYD O.B MEETING RORELTE

    Dt. 11/10/’15 (Pathianni) chawhma inkhawm ban hmang khan Local PYD Office Bearer Meeting neih a ni a. Chuata an rorelte chu:
1. Local PYD Committee in alo passed tawh Kohhran chhungtin tan Name Plate siam nise tih O.B kuta alo dah chu ngaihtuah ho a ni a. Name Plate hi tunkar chhung ngeia siam nise, pakhat zelah Rs.60 a hralh nise ti-a passed a ni.
2. Local PYD Committee-in memberte intihsawt twn nana Local dang kanna neih nise tih chu bawhzuina neih a ni a. Dt. 26/10/’15 (Thawhtan) Zanah Bairabi South Local kan nise ti a rel a ni. Hun hmangtu turte:
Hun khat-na : Bro. Lalbiakdika
Hun hnihna : Bro. Lalrokima
    Local PYD Male Voice te hemi hunah hian an zai bawk ang.
3. Dt. 1/11/’15 (Sunday) Zan hian Male Voice te chu Bairabi North Local ah zaia rawngbawlna neih nise ti-a pawmtlan a ni.
4. Local PYD T-Shirt siam nise tih Local PYD Committee in alo rel tawh chu bawhzuina neih a ni a. Bro. Lalrinliana Tlau kutah dah a ni.
---------------------------------------------------------------------

LOCAL PYD FELLOWSHIP HLAWHTLING

Local PYD chuan Dt. 10/11/’15 (Pathianni) Tlai Dar 2:40 PM atanga tanin Bro. Vailuta, NHPC veng-te inah Fellowship Programme hlawtling tak an hmang.
    He hun hi Bro. Jacky Lalruatmawia’n kaihruaiin Pathian Thu tawi sawina hunte a nei a. Bro. R. Lalremruata (Maruata) chuan tanna hun a hmang bawk a ni. Tin, Bro. Vailutate nupa tan hian thawhlawm lakkhawm a ni a. Member 24 kalkhawmin Pawisa fai Rs. 1020 mai bakah khawrhchawte ken a ni bawk. Heng thilpekte hi Bro. PC Lalramchhuanmawia’n Bro. Vailuta hnenah hlanna a nei a ni. Bro. Vailuta-te nupa hi an lawm hle a. Lalpa fakin Halleluiah! tiin an au chhuak hial a ni.
    Bro. Vailuta hi tunah hian kum 80 a ni a. A nupui Sis. Lianzovi hian kum 75na a hmang mek a ni. An inah hian nupa chiahin an cheng a. Sis. Lianzovi hi a damlohna avangin khua hmu tha thei lovin kum 2 chhung ngawt alo mu tawh a ni. Keini Local PYD-ten inkhawmna kan va nei chu an lawm hle mai a. Kalkhawmte pawhin hetiang hun kan hmang thei hi a hlawkthlak kan tiin vannei kan inti hle. Bro. Vailuta-te nupa hian Kohhran mite an ngaihzia thu an sawi a, Biak Ina kal an chakziate leh kal tura chakna an neih tawhlohziate kalkhawmte min hrilh bawk a ni. 

========================

LOCAL PYD HNATLANG NEIH A NI

Dt.17/10/’15 (Inrinni) hmang khan Local PYD-te chuan Biak In leh a vel tihfai hnatlang an nei. Hnatlanga thawkchhuak zawng zawngte chungah hruaitute chuan lawmthu an sawi a ni.

FELLOWSHIP AWM DAWN LO: BUDGET KHAWN DAWN

Local PYD-te thla a thar angin Budget khawn alo hun leh ta reng mai a. Vawiin tlai fellowship awm lovin Budget khawn tur a ni a. Dar 2:40 aia tlai lovah Bro. J. Lalchhuanawmate inah innghahkhawm tur a ni e.

----------------------------

PYD BAWM

Kumtawp Activities leh tul dangte atan tiin Local PYD chuan Biak In-ah PYD BAWM a dah ve ta e. A tlem lua awmlo, tam lua awmlo, phal ang zat zat min lo thlaksak ve turin kan sawm a che .. 

===================

RINGTU CHUAN . . .

Lal Isua hnugzuitu anih tlat avangin a Lalpa awmdan ang chuan a hun a hmang chho thin a. Lal Isuan mi a rel chhe ngai lo tih a hriatin a thil lo tih thinte chu Lalpa duhzawng anih lohzia hriain a sim hmak a.
    

Kan tun hunah Lalpa Isua a takin hmuh theihin a awm tawh loh avangin a Taksa (Kohhran) a ngaina em em a. A maicham kal a thulh ngai lo.
    

Ani chu a chapo ngai lova, Kohhran huang chhungah duhsak bik leh fak bik pawh nei lovin mi huat zawng a sawi chhuak ngai hek lo. A that tehluh nen a thatna a sawi chhuak duh ngai lova. A inngaih hlu ngai hek lo. A inchhuang ngai lova, mi mawl ber thlengin kawm a nuam em em a. Tumah a en hrang ngai lo.
    

Thahnem a ngai em em a. Kohhran tan anih tawh phawt chuan tel zel a tum thin. Hnatlang a kalte, Fellowship, tawngtai-te leh Kohhran programme reng reng chu a telna tur a ni tih hriain thahnem ngai takin a tel zel thin.
    

A hun a ngai pawimawh em em a. Hun a vawng dik hle bawk. Kohhran hunruatah a hun alo thlen tawh chuan a hmang ngei ngei thin.
    

Ringtu chu a tawngtai taima em em a. Mi huat a nei lova, ama hawtute leh amah diriamtute tan a tawngtaisak zawk fo thin. Lalpa tan nitin a inhlan thianghlim thin a ni.
    

A khawvel hun hmanah pawh mi taima leh thawh hreh neilo, mi inngaitlawm em em mai a ni a. Khawvel mite angin a uang ngai bawk hek lo.Sum tlinglo a la duh ngai lova. A hausak phahna tur pawh nise a hnar zel thin. Kohhran ina len a taima hle. Ringtu chu i ni em le?

==================================

FELLOWSHIP HI . . .

Bairabi Head Quarters Kohhran tan chuan thil thar anih hial ka ring. Ka lo hriat ve chinah pawh Fellowship hi kan neih awm ka la hre ngai lova. Vawiin ni a PYD te hi kan chak bik vang pawh nilovin Lalpa Malsawmna kan dawn vang ni berin ka hria.
    

Kohhranah chuan a inpe thuk apiangin a chhunga chen nuam an ti a, ti ve mai mai tan erawh chuan ninawm lamah a kal hlauh thung. Chutiang zelin, Fellowship pawh a inhmang thuk tan chuan thil nuam leh chakawm tak a ni a, Pathianni vawi khat lek awl pawha lungleng hman em em an awm laiin, thla khata vawi hnih khat kal chauhte, chutah pawh ning hma em em lah kan bang hek lo!
     

Mi puitling a inchher duh tan chuan Kohhran hi bel tlak a ni a. A chhungah pawh lawi luh tam a ngai hle. Chutiang chu khawvel lam atang pawha ngaihtuah theih anih laiin Thlarau lamah ngat phei chuan kan Catuan Ro kan khawl khawm nan a pawimawh em em mai chu Kohhran hi alo ni leh zel bawk a. Chu Kohhran a rawngbawltu puitling leh Lalpa mi hman ni tur chuan PYD atanga kan tan chhoh hi angai a. Fellowship ah hian thupui sawihona-te kan nei thin a. Mahni vei zawngte leh Kohhran tana tha nia kan hriatte kan in share tlang thin a. Hei ringawt pawh hi puitlinna kawnga thil tha tak a ni.
    

Thlarau lamah pawh Fellowship hi a tangkai lehzual. Hlapui rem changte kan nei leh zeuh thin. Lalpan min awmpui thin hle a. Fellowship ah hian tawngtai thupuite thawhin tawngtai rualna kan hmang ho thin a. Lalpa awmpuina dilin, kohhran tan kan dil fo thin. Thlarau lama hmasawn duh tan leh mi puitling nih duh tan, Lalpa mamawh tan chuan Fellowship hi hmaih chi alo ni hauh lo !!

11th OCTOBER, 2015 : VOL.I, ISSUE NO. 21 ; BAIRABI NORTH PYD ; PATHIANNI,

BIAL MUSIC SUB COMMITTEE ROREL TLANGPUI

Ø Hla zir hun siam niin Thawhleh zan leh Zirtawpni zan ruat a n.
ØDan ennawnna neih a ni. A hnuai ami ang hian;
hmeichhiate chuan hlazirnaah pawnfen khup khuh an feng tur a ni a, kawr dar bah hak phal a ni lo, hlazir apiangin lukhum ken tur  a ni. Mipa-in kekawr bul a ha tur a ni lova, kawr ban bul (tawnzau) a ha tur a ni lo. tihte hi an ni.
   

BIAL MISSIONS DEPARTMENT CONFERENCE VAWI 34-NA ROREL TLANGPUI

Ø  Kum 2016 Conference chu Bairabi Head Quarters ah nghah a ni. A hun atan Dt. 30th-2nd Oct., 2016 ruat a ni.
Ø  Conference thupui neih a ni ang a, thupui erawh Bial Board kutah dah a ni. Speaker neih nise ti a rel niin, Speaker atan hian Bialtu Pastor P. Vanlalfela ruat nghal a ni.
Ø  Home Missions Field tlawh chungchang rel a ni a. Kolalian field tlawh nise tih chu lungrual taka pawmtlan a ni.
Ø  Budget khumte lawmman pek tawh nise tih a ni.
Ø  Conference thlengtute chu Rs. 1000 a tanpui thin nise tih a ni.
Ø  Local tinten Faith Promise neih theuh nise.
Ø  Resolution Committee chungchang rel a ni a. Tun atang chuan Resolution Committee chu Conference hma thlakhat hmalamah neih thin nise. Resolution Committee member ah hian Local tin Director-te ruat an ni ang a, Director a theih loh chuan OB dang Secretary emaw Treasurer ten ai an awh thei ang.
Ø  Official Badge chungchang rel a ni a. Tun atang chuan Bial hruaitute leh Local OB te badge siam tawh nise ti a passed a ni.

CHAWNGHEI TAWNGTAI NEI DAWN

Vawiin Dt. 11/10/2015 (Pathianni) tlai dar 5:00 pm hian Local LAD bul tumin Chawnghei Tawngtaina neih a ni dawn a. He hunah hian Kohhran member zawng zawngte min sawm a ni. Chawnghei theilo tan pawh inthlahrung lovin tawngtainaah hian kal turin min sawm a ni.

Ø District Missions Department-in Local LAD-te Dampa, Zodin Electric connection lakna tur Rs. 2000 an rawn dil chu. An dilna anga pek a ni.

PYD BAWM

Dt.12th Oct, naktuk PYD Inkhawm zan atang hian PYD inkhawm bikah Bawm dah a ni tawh ang. PYD member inkhawm turte thawhlawm bakah a thei apiangte tan Bawm-a thlak tur inring bawk ila a tha ange.

LOCAL PYD HRIATTIRNA

VAWIIN TLAIAH FELLOWSHIP

Dt. 11/10 (Pathianni) tlai dar 3:40 a \an thei turin Local PYD chuan Bro. Vailuta-te inah Pathian faka zaihona (Fellowship) hun hman a ni dawn a. He hunah hian Local PYD member zawng zawngte kal theuh turin kan inngen a ni. Tin, Fellowship ah hian Bro. Vailuta-te tan tanpuina/thawhlawm thawh tur a ni a. A thei apiangin thawhlawm ken theuh tur a ni.

========================================

LALPA CHU FAKIN I CHAWIMAWI ANG U by Jacky Lalruatmawia (Editor)

Pathian Ropuizia leh Chawimawi tlak a nihzia hmuchiang apiangin Pathian chu thlarau leh tihtakzetin chibai an buk thin a. An ti ve mai mai ngai lo! Kan hmuh phak piahlamte thlengin Lalpa siam loh engmah a awmlova, he khawvela thilnung chi tinreng leh van thereng hmuna Planet chi hrang hrang, Ni thla leh Arsi-te nen lam khian Pathian siam loh engmah a awm lo a ni. Sam ziaktu chuan ‘mihring hi eng nge maw a nih a i hriat reng thin ni’?’ alo ti hial a. Pathian ropuizia ngaihtuah chuan mihring chu ama lakah chuan engmah kan nihlohzia a hriat chian theih awm e. Ama anpui ngeiin keini mihringte hi min siam a, chu a chhapah kan thih hlen lohna turin a ramah chan minla siamsak leh ta zel a. Mihring engmahnilo tan chuan lunghlu a va ni tehlul em! Hla siamtu chuan Tuifianriat tui zawng zawng hi a ziakna tuiah hmang ila, van pharh zau takahte khian Pathian ropuizia ziak chhuak vek dawn pawh ni ila, kan la ziak seng chuang lovang alo ti a. Chuti fakauva ropui, siamtu Pathian chu engah nge kan fak mawlh mawlh  mai loh ang?
    

Sual lalna ram khawvelah kan la cheng tlat si a. Pathian ropuizia leh chawimawi tlak anihzia hre reng chung hian kan la vahbosan thin a. Kan la fak tha peihlo fo thin a ni. Lal Isua chuan ‘Tupawh mahni kros pu-a mi zui lo chu ka zirtir a ni thei lovang’ (Luka 14:27)-ah alo ti a. Kros chuan hrehawmna, diriamna, lungngaihna leh manganna a entir a ni. Harsatna kan chunga lo thleng thinte hi kan tan chuan Kros a ni tihna alo nih chu. Ka Lalpa Kros phurh nen khaikhin chuan a va zang tehlul em! Engah nge kan Kros phurhte hi kan tlukpui a kan kalpui theihloh leh mai thin le aw...? ka lo ti ve mai mai thin. Thlemna/hrehawmna hi Lalpa ringtu tak takte tan chuan kan tawn ngei ngei tur a ni a. Zion Lal tana beitute tan chuan harsatna tawklo rawngbawltu a awm theih hi ka ring lo a ni.
   
 Harsatna kan tawh changing Lalpa Kohhran tana kan rawngbawlnate kan chawlhsan mai dawn em ni ang? Ni love, Chutianga kan tih mai chuan Lal Isua zirtir kan ni thei dawn lo a ni. Chuvang chuan keini Lalpa Ringtute tan chuan harsatna kan tawhte hi min ti chheltu-ah kan hmang thiam thin tur a ni. Chutiang ti thei tur chuan mihring mihrinna chuan thil har tak pawh a ni ang. Amaherawhchu Pathian puihna erawh chuan thil awlsam tak a ni hlauh thung. A pawimawh berah chuan Tawngtaina hi a ni a. Harsatna, buaina leh manganna kan tawh chang hian Lapa hnenah inbunruak thin ila, a ni chuan min lo chhawk zangkhai thin ang tih hi ka ring tlat a ni. Tanpui vartu hnai reng anih miau avangin Lalpa hnena tanpuina kan dilte hi Lalpa lawmzawng a ni ngei ang tih ring tlat ila, Kohhran hlat phah nana hmang mai lovin Lalpa hnenah i intulut thin ang u. Tirhkoh Paula ngei pawhin Korinth khua a mite hnenah heti hian alo thawn kha “Chuvangin ka unau duhtakte u, nghet takin, tihchet rual lohvin Lalpa hna thahnemngai taka thawk fovin awm rawh u, in thawhrimna chu Lalpaah chuan a thlawn ngailo tih inhre si a” tiin. (I Korinth 15:58)
   

“Kei hi Grep hrui chu ka ni, nangni a pengte chu inni” (Johana 15:5) Lalpan alo ti a. A peng rah lo apiang chu a paih anga hal anih tur thu a sawi hial bawk. Lalpa hnungzuitu nih hi a va namai lo em! A mai mai lo a ni. A hminga zui ve mai chu Lalpa duhzawng a ni hauh lo mai. Kohhran hi Krista taksa a ni a. Keini hi a pengte chu kan ni tiin han kailek ta ila, a dik thei tho mai. Kohhran tana kan chanvo emaw Maicham kan thleng tam lo anih chuan Lalpan min ensan hun ala thleng maiang tih pawh a hlauhawm hle. Tin, Maicham kan lo luhin Kan Pathianin Thlarau leh tihtakzetin, theihna zawng zawng, thinlung zawng zawnga chibai buk turin a mite hi min beisei a ni tih hi hre reng ila. Iti mai mai lovang u. Lalpa duhdan hian awm i tum hram hram thin ila, Kan biak Pathian chu kan ti lawm ngei ang. Davida chuan Lalpa Biak In hung chhung kawtlaite chu a ngaih thin a vangin alo \ah phah hial a. A va ropui tehlul em! Keini Lalpa hnungzuitu inti tamtakte chuan Davida anglo takin Lalpa Biak In hung chhung aiin mahni in lum kan ngaih avang hian kan chauh phah mek tawh niin a lang!
        

Lalpa chu fakin ka chawimawi ang min tlantu anih vangin... tih hla sa a, lam mup mup tur kan nih lai hian nunna min petu, malsawmna min petu chu fak hleithei lovin leh Lalpa tan zan hun tak ngial pawh kan siamsak thei thin silo zawng a nih hi. Lalpan eng angin ngai ang maw! A ropuina zawng zawng kalsana kan tan hreawmna nasa tak a tawrh avang ringawt  pawh hian a maichamah kalin Lalpa chu fak tur kan ni asin. Hawh teh u.., Lalpa ram kan thlen hma loh zawng chhel takin awm ila, i din thar leh ang u, kan tan malsawmna zel a ni si a!
Lalpan Malsawm rawh se

“Lawm thu sawi chungin a kawngkharah chuan lut ula, Fak chungin a Biak In hung chhung kawtlaiah chuan lut rawh u: A hnenah lawmthu sawi ula, a hming chu fak rawh u” - (Sam 100:4)

EDITORIAL

A HO MAI MAI !

    Thil engkim hian chhan a nei vek a. Chhan nei lovin engmah hi alo awm ringawt lo a ni. Mi thenkhat hmangaihna la na deuhte chuan nang hi ka dam chhan i ni an ti fo thin a. An hriat chian loh vang mai mai a ni.
    

Vawin ni a nung dama kan awm chhan chu Pathian khawngaihna kan chan vang mai a ni a. Kan mihringpuite vang a ni hauh lo. Lal Isuan nunna minla pek lai hian thil tha tih nachang hre ta ila, kan thih hnuah vanah ro kan khawl khawm dawn a lo ni.
    

Bial chhung mai nilo, mahni lawina Local chhungah ringawt pawh hian Kohhran activities a tam thin em em a. Kohhran ti kaltu chu nang leh kei kan ni si... Department tin hian tihtur kan nei ngah em em vek mai a ni. Heng activities-te hi a Ho mai mai ti a kan lo namnul fo mai chuan Lalpan ro a rel hunah he nu/pa hi chu a ho e mai, tiin hremhmun lamah min tir liam maiang tih a hlauhawm mai loh maw!
    

Engmah hi Ho mai mai a awm lova. Kohhran a ni emaw, khawtlang a ni emaw engah pawh nise kan tih peihloh vang leh kan thatchhiat vang
mai hian thil hi ho mai mai ah kan ngai thin. Mi taima tan erawh chuan thil ho mai mai a awm lo a ni.
    

YMA khawmpui lian kan khuain kan thleng dawn a. Mipuite thuawihna nun kan neih angai khawp mai. Hruaituten Faina kawngah nasa takin hma an la a. Keini khawtlang mipuite hian a ho mai mai ti a kan thil ei-na kawr bawlhhlawh bawmah paihna chang kan la hriat loh fo zawngin kan mualpho hloh dah ange. Chutiang zelin kawng hrang hrangah hian tanrual kan mamawh a,
    

Thil hi A HO MAI MAI kan tih chhung chuan khawtlang/Kohhran chak kan ni thei ngai lovang.

================================

VOL.I, ISSUE NO. 20 ; BAIRABI NORTH PYD ; PATHIANNI, 4th OCTOBER, 2015

BIAL MISSIONS DEPARTMENT CONFERENCE

HMAN MEK  A NI

    Bairabi Bial Missions Department Conference chu Dt.02/10/2015, Zirtawpni Zan atang khan Saikhawthlir Local Biak Inah hman tan niin, Local hrang hrangte’n Report pekna an nei. Dt. 03/10 (inrinni) chhunah Conference Rorel Inkhawm neiin, Zanah Sis. F. Lalhlimpuii, Bethel Local Missions Director hnen atangin Pathian Thuchah ngaihthlakna hun hman a ni a. Vawiin nileng hian inkhawmpui Programme hi hman chhunzawm a ni ang a. Zaninah a tiak ang. Bial Missions Department Conference 2015 hman lai mek chu Pathian Thlarau awmpuina hnuaiah tluang tak leh hlim leh lawm taka an hman ngei theihna turin Kohhran hoten i tawngtaipui ang u.
 

Vawiin Conference hun hman dan tur tlangpuite:
Zing
Sermon : Pastor P. Vanlalfela
Thawhlawm : Bial pual
Chhun
Sermon : Bro. H. Vanlalrova
Secretary, Bairabi North Local Missions Deptt.
Thawhlawm : Basar Biak In sakna pual
Zan
Sermon : Evan. Laldingliana
Director Bial Missions Deptt.
Thawhlawm : Bial pual

Editorial - 20th Sept.

ENGTIA AWM TUR NGE?

   Tunge i nih? Eng nge i tih tur? Khawiah ngei i awm? tih hi i inzawt chhin ngai em?
   

Ka peih lo, A ho em mai kan tih chhung chuan kan awmdan tur kan hrelo tihna a ni ang. Engpawh chu nise, kan awmna hi kan chian angai a, tin, eng nge kan awmdan tur leh kan tih tur tih hi kan chian angai bawkin ka hria.
    

Arpui chuan a note-te a awp thin a, a pui thlazar hnuaiah a note-te an awm chuan venhimin an awm thin. Arte lo chhuahna chu Arpui kha a ni a. A awmna hmun tur pawh a unaute bulah niin, a pui thlazar hnuaiah a ni. Arte pakhat chuan a nihna hre chiang lovin, a awmna hmunah a awm lova, thawklehkhata’n Serivaithun lokalin a ei ta daih mai a. A awmna tur hmun leh a awmdan tur a hriatchian loh avangin a thihna tur panin a kal ta anih chu!
    

Chutiang zelin Kristian kan nihna angin kan awmdan tur leh kan awmna hmun tur chu kan hrechiang hlein a rinawm. Kristian/Thuthlung fa inti ve si a, a Maicham panna chang hre lova, a unau-te Pathian faka zaia an inpawlkhawmna hmuna tel duh ngai miahlo a, an tawngtainaa tel ngai miahlo mi chuan a awmna hmun leh a awmdan tur a hrechiang tawk lo hle niin a lang. Arte ngei pawh khan tha anga inngaiin a duhdanin a pui leh a unaute kalsanin a chhuak a. Chu chu a tan thihna alo ni ta si.
    

Hawh u! i thangharh tawh teh ang u. Engtia awm tur nge tiin i inzawt nawn fo ila. Kan awmdan tur ang takin Lalpa lawmzawngin i awm ang u. Chutah chuan Nunna a awm si a.

KRISTA TAWNGTAINATE (Kumpuan Huang Article)

 Krista tawngtai thinnate hian Isua leh Pa chu mihrang angin a tilang thei em? Mihrang angin a tilang thei chuang lo, Amaherawhchu, Pathian leh Pathian Fapa chu a hrang angin a lantir a ni. Pathian a nihna ang chuan Isua chu a tawngtai lova, mihring a nihna ang chauhin Isua chu a tawngtai thin a ni. Isua tawngtaina hian Isua Pathianna nihphung chu Pa lakah mihrang anga a lantir anih chuan Pa Pathian aiin a hnuaihnung zawk a ni ngei ang. Pathian anihnain Isua hi tawngtai ni ta ang se , Pathiana a dinhmun chu, Pathiana midang awm vete aiin a hnuaihnung zawk tihna a ni bawk ang. Hei hian Trinity thurin a, mi pathum intluktlang vek anga an sawi thin chu a \hiat sak vek a ni. Tawngtai mamawh Pathian chu Pathian a ni thei dawn em ni? Pathian chuan Engkimtithei anihna ah chuan tawngtai a mamawh lova, pakhat chauh a nih bawk si chuan Pathian tu dang hnenah nge a tawngtai ang? Isua tawngtainate hian Pathianah mi pahnih an awm tih a lantir si chuan, pakhat zawk tawngtaitu zawk chu  a tawngtaina lo ngaithlatu Pathian aiin a hnuaihnung zawk a, Pathian a ni kim tak tak lo tihna a ni ang.
     

Krista tawngtaina chhan chu engtia hrilhfiah tur nge ni ta ang le? Mihring mihrinna, Isuaa awm chauh chu, chatuana awm Thlarau Pathian hnena tawngtai thei chu a ni. Pathiana Isua awm chuan tanpuina a mamawh lova, mihrinna zawk chuan tanpuina a mamawh a ni. “Thlarau chuan a peih a, tisa erawh chu a chak lo a ni” tiin Gethsemani huanah Lal Isua pawhin a sawi kha (Matthaia 26:41). Isua khan “Tisaa a lenlainite ah chauh khan” tawngtai a mamawh a ni tih Hebrai 5:7 thu chuan min hrilh a ni. “Ani chuan, a tisa put lai niahte khan, thihna laka amah chhandam theitu hnenah chuan nasa taka au leh  mittui tla chungin a tawngtainate leh dilnate a hlan a, a tih dek thin avangin ngaihthlakin a awm bawk a; Fapa meuh pawh nimahsela a thil tuarahte chuan thu awih a zir ta a ni”. Gethsemani huana a tawngtainaah khan mihring duhzawng chu a Pathian duhzawnga awm turin a hlan a ni. A mihring mihrinna mizia zawng zawng chu a tawngtainaah chuan Pathian Thlarau hnenah a inhlan a, thuawih a zir a ni (Philippi 2:8; Hebrai 5:7-8). He thil hi Pathian pahnih duhzawng, Isuaa awm vete chu a inbuan tihna a ni. A mihring mihrinna chu Pathian Thlarau hnenah chuan a inhlan a, Pathian Thlarau hnen atang chuan chakna a dawng bawk thin a ni.
    

Hetiang zawnga hrilhfiah hi mi thenkhat chuan a dik a ni thei lovang a, a chhan chu, Ama hnenah Isua chu a tawngtai a ni tihna ang a nih avangin. Chutah tak chuan hei hi kan hrechhuak leh tur a ni ang: Isua chuan, mihring dang anglo takin, Pathian famkim nihna leh mihring famkim nihna a nei kawp bik a ni tih hi. Mihring pangngai tana thil theih miah loh hi Lal Isua tan thil har engmah a awm si lova. Lal Isua chu ama hnenah a tawngtai thin kan ti lova, chu chuan mihring pangngai ang bawkin mihring nihphung chauh nei angin Isua a lantir theih avangin a dik tawk lova. Isua mihring mihrinna chu Amaha awm Isua Thlarau hnenah chuan a tawngtai thin kan ti zawk a ni.
               
    Engti sawi nge dik zawk tih chu awlsam takin a chhan theih mai a. Isua chu Pathian a nihna angin Pa hnenah a tawngtai kan ti dawn nge, Isua chu mihring a nih avangin Pa hnenah a tawngtai kan ti zawk dawn? A hmasa zawk khi a dik zawk kan tih dawn chuan , Pathian hnuaihnung deuh zawk a awm rinna (subordinationism) kan pawm tihna a ni anga, chu chu Arianism pawmtute rindan a ni a, chutah chuan Pathian mihrangte zinga pakhat (Isua) chu a hnuaihnung zawk a, Pathian dangte nen an intluktlang lo tih rinna a awm a ni. A hnuhnung zawk khi dik zawkah kan pawm erawh chuan Pathianah minung hrang a awm lo tih kan ring tihna a ni. Pathianna leh mihrinna chauh chu danglamna awm chu a ni a, Pathian leh Pathian inkar thu sawina nilovin. **
(Thlalak : Lal Isua Gethsemani Huanah a tawngtai lai hlimthla)

20th SEPTEMBER, 2015 : VOL.I, ISSUE NO. 18 ; BAIRABI NORTH PYD ; PATHIANNI,

 KUM 2015 BIAL SUNDAY SCHOOL DEPT. CONFERENCE

VAWI-27 NA ROREL TLANGPUI

! Kum 2016 Bial Sunday School Department Conference-na hmun atan Bairabi North Local a ni ang. A hun erawh District in alo ruat angin kalpui nise tih a ni.
! Bial Sunday School Department Conference hi sawn ni rawh se (Bairabi South Local Agenda) chu District Conference Agenda tura dahluh a ni.
! Kum 2016 Bial Sunday School Department Intihsiak tur Item atan Bible Chang, Thuinchhang, Recitation with Action, Hla leh Solfa te a ni ang.
! Kum 2016 Bial Sunday School Department Conference hun hmangtu tur chungchang (Official Agenda) chu Bial Board a ngaihtuah tura lungrual taka passed a ni.
! Bial hruaitute District Conference T.A chungchang chu Bial hruaituten lo ngaihtuah mai se tih chu lungrual taka passed a ni.
! Sunday School Naupang Camping neih leh ngei ni rawh se tih chu banphara lungrual taka passed a ni. A hun tur leh a hmun tur chu Bial Board kutah dah a ni.
! Sunday School Zirlaibu lei chungchang (Official Agenda) chu Bial OB ten lo ngaihtuah leh mai se tih chu lungrual taka banphara passed a ni.
! Kum 2016 Bial Sunday School Department Conference badge hi siam chhunzawm zel nise tih a ni a. A siamtu tur atan Bial OB te ruat anni. Badge bel thei chin tur chu Bial Board a ngaihtuah tura dah a ni.
! Endiktu (judge) ni tura Bial in a ruatte hi lo inenlawkna emaw lo inhmuhkhawm a sawihona lo neih nise (Bairabi North Local Agenda) tih chu lungrual taka passed a ni.

   
===============================

 LAWMTHU SAWINA

    Local Church Board Committee-in Biak In Gate siam tura a ruatte chuan hma la chhovin, peihfel alo ni ta a. Kohhran chhungkua atanga rawra petute leh sum thawhtute zawng zawng chungah lawmthu kan sawi a. Sis. Rochhungi-te chhungkuain Biak In Gate siam nan hian ring rod lo thawhin, Bro. J. Lalchhuanawmate chhungkuain pipe an thawh a. Tin, Bro. Lalrokimate nupa in thingzai min hman hawh tir bawk a. Kohhran tana mi inphalte chhungah Lalpa Isua hmingin lawmthu kan sawi a ni.
    Biak In Gate siamna atana sum hmanral zawng zawng zat chu Rs. 34618 a ni a. Department hrang hrang heng; Sunday School Dept., Missions Dept., LAD, PYD leh Building atangin budget  atan Rs. 2500 an neihte an pe a, hruaitute chungah lawmthu kan sawi bawk a ni.
                        Upa. C. Vanlalzawma    
                            Treasurer
                          Local Church Board Committee

==========================================

BIAL PYD CRUSADE

Dt.27th Sept., ‘15 (Pathianni) Zing, Chhun, Zan hun hmang hian Bial PYD bul tumin Meidum khuaah Crusade neih a ni dawn a. He hunah hian PYD member-te a tam thei ang ber kal turin Bial hruaitute chuan min sawm a ni. Heta kal turte chu Dt. 23th Sept., ral hma ngeiin Bial hruaitute hnenah inhriattir tur a ni e.

PYD NOTICE

* Dt. 21/Sept. (Thawhtanni) Zan inkhawm banah hian Local PYD te Biak Inah Committee nei tura thutfual tur a ni e.
* Zan Inkhawm ban apiangin thupuite thawh hovin Biak Inah Tawngtaina hun hman a ni thin a. Local PYD memberte a thei apiang Lalpaah chuan chak thar lehzualna kan neih ngei theihna turin he tawngtainaah hian Lalpa Isua hmingin lo tel ve turin kan insawm e.

=======================

A TIRIN THU A AWM (Kumpuan Huang Article)

 Johana bung khat thu hian Pathian tisaa alo channa rilru chu chiang takin min zirtir a. A tirin Thu a awm (Thu hi Greek tawng chuan Logos a ni a). Mihring thu hi mihring atangin mihran a ni lo ang bawk hian Pathian thu hi Pathian lak atanga Pathian dang emaw midang emaw a ni thei bik chuang lo. Pathian rilru leh Pathian remruatna leh ngaihtuahna chu Thu (Logos) chu a ni.  A tirin Thu chu Pathian thinlung chhungah Pathian hnenah chuan a awm a, Thu chu amah Pathian ngei chu a ni (Johana 1:1). Khawvel awm hma atang daih tawhin  mihringa lo chan chu Pathian rilruah chuan alo awm daih tawh a ni. Khawvel leilung nghahchhan phum hmain Pathian Beram No chu Pathian rilruah chuan talhin a awm daih tawh a ni. Khawvel leilung nghahchhan phum hmain Pathian Beram No chu Pathian rilruah chuan talhin a awm daih tawh a ni (I Petera 1:19-20; Thupuan 13:8).
                

Logos hi Greek ho hman danah chuan thupuang chhuaktu rilrua thil awm, remruatna emaw hrilhfiahna emaw- lemchan ziaktu rilrua thil awm tihlanna hi a ni a, tin, taksa chetziaa ngaihtuahna lanchhuahtir emaw a sawi a sawi pawh nise, lemchanna hmun dawhsana tihchhuah hi logos chu a ni bawk. Johana bung khatna thu hian logos chu a tirah Pathian rilruah a awm tih thu a sawi a ni. Hunbi tiam alo kim veleh Pathianin a remruatna chu thiltihin a lanchhuahtir ta a ni. A remruatna chu tisain a thuam ta a, Isua Krista, mihring pianhmang pu alo ni ta a ni.
                

John Miller chuan Logos chu “Amah Pathian inpuangchhuak” a ni a ti a ni [10]. Amplified Bible chuan Johana 1:1 thu hmawr bawkna chu “Thu chu amah Pathian ngei chu a ni” tiin a letling a ni. Flanders leh Cresson-te chuan, “Thu chu Pathian, Amah leh Amah a inhnaihawnna hmanrua a ni” an ti a [11]. Chang 14-na thu chuan he Pathian ngaihtuahna thu- Thu tisaa lo lang hi Pa Fapa mal neihchhun ropuina nei a ti a, chan 18-na thu chuan “Fapa chuan Pa chu a pholang ta a ni” a ti a ni.
                

Greek mite finna zirna (Philosophy) ah chuan, Logos chuan lei leh van innghahna bulpui- finna leh hriatthiamna tih a kawk a ni. Johana hunlai hian Greek mifing thenkhatte leh Juda Pathian thu zirthiam hote chu Greek ho ngaihdan hian a hneh hle a, a bik takin Juda mifing Alexandria khaw mi Philo chuan Logos chu Pathian hnuaihnung deuh leh chhangdawltu, Pathian tak atanga lo luang chhuak niin a ngai a ni [12]. Kristian kalsual thenkhatte’n (Gnosticism zirtirna lo piangchhuak thar huapin) he ngaihdan hi an zirtirnaah an la lut a, Isua chu dinhmun hnuaihnungah an dintir zui ta a. Heng zirtirnate hi a dikloh zia lantir pahin an thu hman thin hmansak vein Johana hian thudik tak  zirtirnan a hmansak ve thung a ni.
    

Thu (Logos) chu Pathian aia hnuaihnung zawk a ni lova, Pathian a ni zawk a ni (Johana 1:1). Thu chu Pathian hnen atanga lo chhuak a ni lova, Pathianah chuan atir atangin a awm reng zawk a ni (Johana 1:1-2). Isua Krista, Pathian Fapa chu, Thu ngei chu a ni a, tisaa lo lang Pathian ngei chu a ni. Chang khatna thua mi “Hnenah” tih hi Greek tawng “Pros” a ni a. Hebrai 2:17 thu leh 5:1 thu leh, Johana 1:1 thua mi “hnenah a bet tlat a” tih nen thuhmun chiah a ni a, chutichuan “Thu chu Pathian hnenah a bet tlat a, Thu chu Pathian chu a ni” tiin a lehlin theih bawk a ni.
        - by David K. Bernard

Editorial - Sept. 13

INKHAWMPUI HLAWHTLING       

 Inkhawmpui hi kan hmang fo thin a, Bial atanga General huap thlengin. Hlimna leh Thlarau hnathawh a telloh hi chuan khawmpui hlawhtlingah kan inngai lo fo thin. Tamtak ngaihdanah chuan a dikna lai chin pawh a awm nameuh mai. Amaherawh chu mitamtak an hlim laiin emaw keimahniah hlimna kan lo chang anih pawhin rah tha a chhuah leh si-loh a, keimahni-ah kan thlarau nun a chawm leh si lo anih chuan khawmpui hlawhtling kan ni thei tho angem ? tih hi zawhna awm thei tak a ni.
    

Biak Ina kan inkhawm chhante, Inkhawmpuinaa kan kalna chhante kan hriat chian hi a tul hle a . A nghahna hmun/khua chu khawi hmun pawh nisela, amahah Thlarau lamah hlawkpuina leh Thlarau lam chaw tha beisei avanga inkhawmpui kal chuan inkhawmpui chu tiak tawh pawh nisela, a nunah hlawkna a lang anga, atan chuan inkhawmpui hlawhtling tak a ni ngei ang.
    

Khual  khuaa inkhawmpuinaa kan kalin thlenna in chungchangah harsatna leh manganna tawh changte pawh kan nei thin ang. Hetiang anih avanga inkhawmpui kal bansan mai lova, harsatna leh hreawmna lo awm thei ang te chu kan tuar zel a pawimawh hle a ni. Mimal  tinte hi kan theihna a danglam theuh a, kan thiam zawng pawh a inang lo nawk hlawm thin bawk a. Thenkhhatin talent tha tak tak an neih laiin thenkhat talent nei ve lem lo nia inhriatna nei tawh pawh a awm theih khawp a ni. Engpawhnise kan phak ang tawkah leh kan theih ang tawka Fak hi Lalpan a duh chu a ni.

13th SEPTEMBER, 2015 : VOL.I, ISSUE NO. 17 ; BAIRABI NORTH PYD ; PATHIANNI,

BIAL SUNDAY SCHOOL DEPARTMENT

CONFERENCE HMANG MEK

    

Bairabi Bial Sunday School Department Conference vawi 27-na chu Dt.11/9 (Zirtawpni Zan) a\ang khan hman \an a ni a. Bialtu Pastor P. Vanlalfela’n Conference hawnna a nei a. Sis. Lalbiakhlui, Bairabi Bethel Local chuan thusawina hun hmangin Local report, local hrang hrang a\angin ngaihthlak a ni bawk. Tin, Zirtawpni zan vek hian Recitation with Action intihsiakna neih a ni.
    

Dt. 12th Sept., Inrinni zing dar 10:AM a \anin Bairabi Bethel Local Biak Inah Conference Rorelna hun hman a ni. Inrinni Zan hian Thu Inchhang hmanga intihsiakna neih a ni a. Bro. PC Lalramchhuanmawia, Bairabi North Local chuan thusawina hun a hmang bawk a ni.
    

Vawiin nileng hian Bial Sunday School Conference hi hman chhunzawm a ni ang a. Zaninah a \iak ang. Thlarau malsawmna tam zawk kan dawn theih nan Palai zawng zawng ten tan la thar vek ila, thahnemngai takin Pathian hnenah i inhlan \heuh ang u.
Conference Programme

Dt. 13/9/2015 (Pathianni Zing)
        Chairman        : Upa Lalbiakmawia
        Thawhlawm hlantu    : Bro. Tlangliansawta, Director, Bairabi South Local
        Hun hmangtu        : Bro. Lalthuthlungmawia, Saikhawthlir Local
        Item Intihsiakna        : Bible Chang & Solo

Dt. 13/9/2015 (Pathianni Chhun)
        Chairman        : Upa Lalbiakmawia
        Thawhlawm hlantu    : Evan. Laldingliana, Director, Saikhawthlir Local
        Hun hmangtu        : Bro. Lalrintluana, Bairabi South Local
        Item Intihsiakna        : Hla

Dt. 13/9/2015 (Pathianni Zan)
        Chairman        : Upa Lalbiakmawia
        Thawhlawm hlantu    : Upa Chuauhnuna,Director, Saikhawthlir (D)Local
        Hun hmangtu        : Pastor P. Vanlalfela, Bialtu Pastor

==============================================

TAWNGTAI RAWNGBAWLNA

Local PYD member tlawmngai zualte chuan Inkhawm ban hnuah tawngtai hona an hmang thin a. Hetah hian tawngtai thupuite leh damlo tawngtaipui ngaite thawhin Pathian hnena inhlanthar lehna hun an hmang thin a ni.

BIAK IN KHAR DAWN

Vawiin Dt. 13/9 hi Bial Sunday School Conference anih angin Bairabi North Local Biak In chu inkhawmpui chhung khar a ni dawn a. Bairabi Bethel Biak In lamah inkhawm theuh turin kan inhriattir e.

BIALTU PASTOR RAWNGBAWLNA CHANCHIN

Dt. 9/9/’15 (Nilai Zan) hmang khan Bialtu Pastor P. Vanlalfela chuan Bethel Kohhranah baptisma rawngbawlna a nei a. Hetah hian tlangval pahnihin Lalpa Isua hmingin Baptisma an chang.

=====================================

KAN ROPUINA THURUK -PC. Lalramchhuanmawia

‘Hmeichhe hrin zingah Johana aia ropui zawk an awm lo, nimahsela Pathian rama mi te deuh pawh ani ai chuan an ropui zawk’ ka ti a che u ... Luka 7:28

    Lei hreawmah hian leng mah ila, van khua leh tui nihna kan nei thuthlung vangin, chhingkhual cham chhung ni a rei vang hian luaithlinulin Lalram ngai hian maw kan tap thin a. Chhum zingah khian moneitu krista, min hruai tura a lokal hun chuan lei ram hi chhuahsanin thuthlung fate’n Lalna ram mawiah hlim takin kan chawl ang’. A dik ngawt mai, lei nun hlimna thlahlel ngai lova an hringtu ngai ngawih ngawiha nun hmang thin tute Fakna hla siam hian kei, ka rilru min hneh hle thin a, lung a chhia in Lalram ngaihna min siam ve fo thin. Vawiin Pathianni ah hian kan Lalpa Isua hmingin chibai ka buk a che u. Remna Pathian ngei chuan min awmpui mawlh rawh se.. Fak tlak Pathian nung a ni si a.
   

 Lal Isua tehna atanga Johana ropuina hi a thikawm hran love. Chawimawi phu tak pawh a ni reng a ni. Simna tura baptistu niin Lalram tana ding a ni a, a nun pumpuiah Pathian a ropui loh a hlau hle a ni. Khatiang khawpa Lalpa tana rawngbawlna pawimawh tak mai chelhtu khan mahni ropui nan rawng a bawl lova. Kan tunlai hun rawngbawl dan nen a inang lo hle nite pawn ka hre thin. A tirtu kha a hrechiang a, a nun a tlawm a, a pheikhawk tak ngial pawh phelh tlak loh khawp a mahni indah hniamin Lalpa a chawimawi hmasa phawt thin. A rawngbawlsak Pathian hma a a tlawmna khan Lalpa a ti lawm thin a nih chu, keini chu kan theihnate hi tu hnen atanga kan dawn nge tih hre leh lovin mahni kan in chawimawi/sawimawi hmasa thin a. Pathianin ropuina a chang zo ta lo thin a ni, Pathian nihna hre em em siin Pathian angin kan chawimawi silo.
   
    Lal Isua hian chawimawi tlaka mi nun tlawm, amah chawimawitu a chawimawi let hi keichuan dik ka van ti tehlul em! ‘Hmeichhe hrin zingah Johana aia ropui an awm lo’ a ti hial reng a ni. Mahse amah (Lal Isua) ngei hian Johana aia ropui zawk ti a a sawi hi he khawvel dan a piang nilo, tisa duhzawng leh mipa duhzawng pawh a hrin nilo, thisena hrin nilo, Thlarau dana pianga ama hrinte ngei hi Johana aia ropui zawk a tih chu a ni a. Pathian rama mi te deuh pawh a ni ai chuan an ropui zawk’ ka ti a che u, a ti hial a ni.
   
    Pathian ram chu eng nge ni ta ang le? Rom 14:17-ah Paul-a chuan ‘Pathian ram chu ei leh in lam thu a ni silova, felnate, remnate, Thlarau Thianghlim lawmnate a ni zawk e’ alo ti a. Thupuan 21:22-ah chuan, chu Pathian ram chu amah Pathian ropuinain a en vel, khawpui a kulh ringawt pawh Jaspi lung anga siam khua chu, darthlalang thianghlim ang mai a rangkachak thianghlima siam a ni a. Pathian ropuina engah chuan hnamtin an leng anga, anchhia reng reng a awm tawh hek lovang, riltam, tuihal a awm tawh lovang a, thil bawlhhlawh leh dawt thu a awm tawh hek lovang, itsik, elrel, sawichhiatna, lungngaih manganna zawng zawng tih ban a ni ang a. A kawtlai takah chuan nunna tui lui Kristal lung anga tle a luang bawk ang. Mi thianghlimte nena chawn ban vawra lamin thangchhuah diar khima a pasalthate nen lam amah kan fak tawh ang a, a va hlimawm dawn em!
   
    Hun hmasa lamah chuan a mite karah thu a thlunin a be thin a, thuthlung tha zawk din a, palai hna rawn thawkin amah ngeiin aw mai ni tawh lovin khawvela lokalin a lalna ram luh dan kawng min rawn hrilh ta zawk a. Johana 3:5-ah ‘Mi tupawh tuiah leh Thlarauvah an pian loh chuan Pathian ramah an lut lovang’ tiin Lal Isua hming leh a chanchintha ringa tuiah leh thlarauva kan pian hian a rama mi Johana aia ropui zawk a tihte chu kan lo nita anih chu. A hming fakin awm rawh se!
   
    Simna tura lo inbaptis a Thlarau Thianghlim a awm tih pawh hrelo Ephesi khua kohhran ho patling sawm leh pahnihte kha Paula’n Lalpa Isua hminga baptisin an lu chungah kut nghatin thlarau thianghlim a dilsak a, tichuan thlarau thianghlim dawngin tawng hriatlohte in thu an sawi ta a ni, Ephesi 2:19. Pathian ram Thlarau Thianghlima lawmna nei tura Thlarau Thianghlim an lo dawn chiah khan van khua leh tui, Pathian ram a mi, Pathian chhungte an ni ta zawk a ni. Lalpa fakin awm rawh se.
   
    Khawvel ngaiha inti ropui tur chu kan ni hauh lo, chhuan tur engmah kan nei heklo, van mi thianghlimte hmuhah pawh sitawm tak kan ni ngei ang. Tui leh Thlarau Thianghlim dik taka kan pianna hi amah Lal Isua ngei in a tehna atang chuan Johana ai pawhin kan ropui zawk tlat si. Kan phu loh chawimawina silhfen min sintirtu kan Pathian a hming Lal Isua chu fakin awm mawlh rawh se. Kan pianna avangin hmuhsitin awm mah ila, mittui nen he lei hi rap fo mah ila Kan Ropuina Thuruk chu a Lalna ramah tihlanin ala awm dawn si a.
Lalpan malsawm rawh se,.. Amen!
*****

Editorial 6th Sept

RAH THA

   

Pathian Lehkhabu Thianghlim hi Kristiante tan chuan kan Nun kawng chaw, nitin a kan ei leh in tur, kan thlarau tan chaw tha min petu, nunkawng dika min hruaitu a ni a. A chhiar tam apiang an nun a ngil thin.
    Lalpa Kohhran tana kan thawh chhuah hian Vana ro kan khawl khawmna anih ve miau avangin kan duh loh leh peihloh ngawt theih hi a ni hran lo!
    Lalpa Thlarau malsawmna kan dawngin kan chang thin a. A lawmawm thin hle mai. Amaherawhchu chu kan Thlarau chan chuan kan nitin nunah rah tha a chhuah leh siloh chuan hmasawnna lam aiin kan hnungtawlh zel tihna a ni a. Chutiang anih avang chuan keimahni a Pathian Thlarau hnathawh lo lang thinte hi kan nitin nuna chhelna leh rinawmna, tih hram hramna nun min petu ni thin se a duhawm hle.
    Kohhran chu engtiklai pawha hlim reng kan ni thei lova. Mihring taksa kan la put miau avangin ngui chang leh chauh chang ni kan nei lo thei lova. Amaherawhchu chung kan chauh chang ni chuan Lalpa Biak In hlat phah nana kan hmang anih chuan kan tisual hle dawn a ni. Tirhkoh Paula chuan ‘ka chakloh apiang hian a ni ka chak thin ni’ alo ti a, a ropui hle mai. Kan chaklo lai hian tih hram hramna nun kan neih angai thin, chu chu Thlarau rah pakhat a ni.
    Lal Isua chuan Theipui kung thang duang zet mai, a rah chhuah hun tura rah chhuah miahlo chu a hau hlum hmak a ni tih kan hre vek awm e. Keini pawh kan fimkhur angai hlein ka hria, rah tha chhuah tur kan nihlai hian rah chhuah kan neih leh siloh chuan Lalpan min hawisan maiang tih pawh a hlawuhawm hlein ka hria. Rah tha chhuah thei turin i bei zel ang u.

6th SEPTEMBER, 2015: VOL.I, ISSUE NO. 16 ; BAIRABI NORTH PYD ; PATHIANNI,

BUILDING COMMITTEE THUCHHUAK

* Biak In Cieling fan khai belh tura rel a ni.
* Biak In Gate siamna tur Kohhranpui Budget Rs. 2500 chu pek nghal nise.
* Biak In chung pawp siam that leh rawng hnawih that hnatlang chu hun remchang hmasaberah neih nise tih a ni a. Rawng lei turin Building Treasurer Bro. Lalthangvela ruat a ni.

LOCAL CHURCH BOARD THUCHHUAK

* Local Sunday School Department-in Naupang intihsiakna enlawkna hun alo dil chu pawmsak an ni a. Zanin hian Reharsal neih a ni ang.
* Biak In Gate siam mek a ni a. Hemi atan hian Department tinin Kohhranpuiah Rs. 2500 Sept.15 ral hmain thawh tur a ni. Tin, Kohhran intin ten rawra tin 1 theuh thawh nise tih a ni bawk a. Rawra thawh tur nei remchang lo tan Rs. 30 Local Church Board Treasurer hnenah thehluh tur a ni e.
* Sis. Lalnunsangi chu tanna hun hmang thei tura hlankai a ni.

ZANINAH REHEARSAL

Dt. 11-13 Sept. chhunga Bial Sunday School Conference, Bairabi Bethel Biak Ina neih turah Naupang Sunday School chu an inpuahchahna a kal chho mek zel a. Zanin hian intihsiaknaa an item tih turte enlawkna (Rehearsal) neih a ni ang.

PYD HNATLANG

Nimin Dt. 5/9 hmang khan Local PYD chuan a hmaa anlo thawh tawh kawng bavei hnatlang chu neih chhunzawm leh a ni a. Hnatlanga thawkchhuak zawng zawngte chungah hruaitute chuan lawmthu an sawi.

PYD COMMITTEE THUCHHUAK

* Thla khatah vawi hnih tal Biak In leh a vel thenfai/sam fai hnatlang neih thin a ni ang.

BEIHRUAL PROGRAMME
† 7th/Sept. Thawhtan Zan
Chairman : Bro. J. Lalchhuanawma
Hun Hmangtu : Bro. Lalmuanpuia Hnamte
Thupui : A lokal leh dan tur

† 8th/Sept. Thawhleh Zan
Chairman : Upa Kailash
Hun Hmangtu : Sis. Lalthanzami
Thupui : Daniala Hapta

† 9th/Sept. Nilai Zan
Chairman : Upa Lalbuka
Hun Hmangtu : Bro. H. Vanlalrova
Thupui : Kum sang rorel I na

† 10th/Sept. Ningani Zan
Chairman : Bro. Lalthangvela
Hun Hmangtu : Bro. Lalrokima
Thupui : Kum sang rorel II-na

Note: Beihrual in lama sawm duh tan sawm theih reng  a ni e

Editorial 30th August

LAL ISUA KAWNG CHU !

 Zawlnei Isaia chuan Jehova’n ama ban ngeia chhandamna a siam tur thu alo hrilhlawk daih tawh a (Isaia 19:16). Tin, amah Jehova ngeiin Mosia a biaknaah chuan banphar meuha mi a tlanchhuah tur thu Exodus 6:6 thu-ah kan hmu bawk a ni. Thuthung Hlui  hrilhlawkna bu kan en reng reng chuan Kros-a kan tan a tuartu hi Jehova ngei kha anihzia thu kan hmu a ni. Jehova lo chu Pathian dang  reng reng an awm lo a nih chuan Lal Isua chauh hi Pathian a ni tih, zawlneite hrilhlawkna atang ringawt pawh hian a lang chiang hle awm e. A Lehkha Thu ang ngeiin Lalpa Isua chu tihduhdahna nasa tak a tawrh hnuah Golgotha hmunah Kros-ah khenbehin a awm ta a, A Thlarau a thlah ta a nih kha. Kan tan Chhandamna kawng min siamsak ta!
    

Lal Isua chuan amah chauh chu kawng leh thutak leh nunna anihzia alo sawi tawh a, amaha kal lo chu tumahin Pathian ram an chanloh turzia thute a sawi bawk a ni (Johana 14:6). Tin, thawhlehna leh nunna anihzia thu alo sawi bawk a (Johana 11:25). Hetiang anih avang hian Pathian Ram kan thlen theihna tura kan kalkawng zawh tur zawng zawngte chu Amah ngeiin alo zawh ta a, kan entawn tur a hnutchhiah ta a ni. Kros-a a thih hnuin a ni thum ni-ah a sawi tawh ang ngeiin ropui taka kaihthawhin a awm leh ta a.

Kristian kan nih chuan Lal Isua kawng hi kan zawh ngei ngei tur kal kawng a ni tih a langchiang hle awm e. A thihna leh thawhlehna tawmpuiin Ama Hming ngeiin  hnimphumin Baptisma kan chang ang a, tin, Thlarau Thianghlima kaihthawhin kan awm leh bawk tur a ni. Heihi kan kalna tur kawng Lalpa’n min kawhhmuh chu a ni.

==========================================

PATHIAN FAMKIM CHU -PC. Lalramchhuanmawia

‘Amahah chuan Pathian famkimna tinreng chu taksa neiin a awm reng si a’

Kol. 2:9

    Sawi tam luat a awm ne maw! Tisa mit leh beng hriatna mai chuan a chhui chhuak zo thei dawn silo kan chan ram hi ngunthluk taka ngaihtuahin tisa mitin a thlenphak silohna ram suangtuahna chuan tun hun ang maia a hriat chian si, kan Lalpa Isua Krista khawvela a lokal hunlaite ka thiam dan tawk tein ka ngaihtuah ve thin a, thlarauva Pathian chenna tura a remkhawm a Kohhran (Taksa) te hnena Pathian famkimna thu Beer Lahai Roi kal tlanga ka sawi ve thei tur hi ka lawm takzet zet a ni. Thil engkim chunga thu neitu kan Lalpa Isua Krista chu chatuanin fakin awm rawh se..
    

Lal malsawm ram rim nam thuthlung ramah hian zia rang dangin sakhmel dang mahse Lal rorelna hnuaiah hausa leh riangvai thuthlung avanga kal remin lung kan rual a Dang hei ang van lawmna leh van nun zirna ka tan chuan a awm chuanglo. Kum kha leh chen chhung Kohhran tana bang lova tawngtaina lo hlan tawh tute; kan upate leh Lalpa mi hman thlarau mite thawhrimna a zarah kei ang mi tlinglo takte kohhran tana thawk ve thei a ka awmte hi lawmna nasa tak avan ni tehlul em! Kohhran ten thlarau lam hnute tui tlan a, vahkhuai par tlan ianga thinlung hmun khata parzu kan dawn thinte hian van mite nun nawm dan tur leh kan chawimawi ‘Pathian famkim’ lalna ramte min ngaihzual tir thin.
   
    Thuthlung rama chenga khawsa tur a, Amah (Isua) atanga khawihna ka dawn hma kha chuan a hminga UPC ang mai niin ka pawnlam landan pawh a iai awm ve hle thin. Khawngaihna avanga rinna leh thiltih kawp zel tura min kotu ka hmuh dan erawh tunah chuan a dang ve ta. Thiam zirna run sang tak bel ve talo chu tawn hriat chin erawh a beitham hle a, mahni insitna ramah nitin min awmtir ve fo thin. Kan chhandamna Pathian kan rina chu tu nge anih kan hriatchian avan pawimawh tehlul em!
   
    Nang leh kei boral fa tlan nana alo kal ur thu zawlnei Isaia kaltlangin kan hmu a, IMMANUELA an sak tur thute (Isaia 7:14) Chatuan Pa, Pathian Chaka, Remna Lal, Rorelna a koki a a chuan tur thu thlengin (Isaia 9:6) kan hmu a ni. Zawlnei Isaia lo puan lawk hnu kum eng emaw zat hnuah khawvel bawiha tang nilo, nula thianghlim pakhat Mar-i pum chhungah ngei chuan van ropuina leh Lalthutthleng kalsanin bawih anga insiamin kan zingah alo piang ta ngei a, (Mat 1:23 & Phil. 2:7) a mite zinga a hming takngial pawh lo thup thintu chu kan zingah hmuh theihin alo awm ta a ni... A hming fakin awm rawh se.
    Eng diktak Amaha mite hnena lokal leh khawvel siamtu ni bawk kha (Johana 1:9) ama mite ngei chuan ropui taka hmuh tumin a intuamna kawr phena kan hmuh ang ‘Pathian famkimna’ thuruk kha an hmu tlang thei tlat silo. Amah lo lawm apiang chu a fate kan nisi a, Thlarau atang chauh lo chuan Isua hi Pathian a ni a tih theih siloh, amite kha an demawm hran love..
   
    Lei dan a mihringin nau alo hrinin mipa/hmeichhia anih chuan Fapa/Fanu kan ti thin. Lei dana piang anih tlat avangin Fapa ti a lei dana koh alo ni ve ta a, amahah chuan Pathian famkimna thuruk chu a awm tlat avangin Damlo tamtakte ti damin nunna leh thihna kawng thu a thuneitu anihzia ti lang turin, ni 4 lai liam tawh Lazara chu thlan chhung ata nunna thaw chu pein a kaitho ta anih kha. Tu mihring mahin nunna thaw chu an pe thei silo.
   
    Saula’n Damaska khaw daia a tawh khan ‘tunge inih’ a ti ngawt lova Lalpa a telh kher a van Pathian chuan Fapa a nihlai leh khawvel a alo kal lai a a hming Isua ngei kha chhan nan a hmang anih kha ‘I tihduhdah ISUA ka ni’ tiin. Genesis 1:27-ah ‘Pathianin ama anpui ngeiin mihring a siam a’. Pathianah mi nung pathum awm se chu, keimahah pawh hian mi nung hrang hlak pathum hmuh theihin a awm tur a ni si a! Chutiang chu nilovin, Keimahah chuan taksa, rilru leh Thlaraute a awm zawk a ni, a anpuiin mihring a siam tlat avangin, keimahah chuan taksa pakhat, landan pakhat hmangin Taksa, rilru leh Thlarau chu a din zawk si a. Thenkhat chuan mama, bawiha, unaupate min ti ang, chung chu minung pathum nilovin min koh dan pathum zawk a ni.
   
    I bike leh motorah a thitihtheihna thuruk Petrol a awm a, a chung a chuangin i tlan a, i thlen tumna ram a tlen ang che khan, Amah Isua Krista khawvela loka a kha nunna leh kawng leh thutak a ni bawk a, amah hmu chu Pathian famkimna thuruk nena hmu kan ni bawk (Johana 4:6-10) kha Fapa Isua Krista (Chatuan Pa) a kan awm hian mi dik takah chuan kan awm a(I Joh.5:20) Amah chauh chuan a ni, Thuthlung Fate kan thlen tumna ram min thlena, ro min relsak tu tur chu!