THUTHLUNG HLATE HI - Sis. Lalrinkimi Chawngthu

‘Zion Lawnglian a kal mek e, Ramtiam lam khawpui pan turin,

A duh apiangte tan Lalpa’n a buatsaih a ni. Aw chu hmun nuama leng turin,

Zion Lawnglian a her liai liai’

    A sak chu sawi loh, a ngaihthlak chu thuhran, a thu chhiar zawng ringawt pawhin Thlarau mi deuhte chu an eh thawt thawt thei ang chu! Zion Lawnglianah kan chuang mek a ni si a. Kan mi huaisen kaltate, kan mi hmasate leh Thlarau lama hnarkaituten Zion ram thlir a. Thlarau lam atanga an dawn Thuthlung hla tha tak tak min hnutchhiah leh an puanchhuahte hian min ti hlimin ava thlamuanthlak tak em! Jerusalem thar lo thleng tur min ngaihzual tir a. Thuthlung fa kan nihna min nemnghehsak zual sauh thin.
    

‘Thu in a hneh loh chuan Hla-in a hneh thin’ an ti a. Thusawi ngaihthlak laia tap zawih zawih hi hmuh tur awm lo mahse, hla avang erawh chuan kan tap zawih zawih fo thin anih hi. Lalpan hriak a thih phawt chuan hla pawh hi Sermon ropui tak alo ni! Ka seilenna Bial, Durtlang khi zai ngaina tak leh zai nasa tak Bial kan nih ve ka ring. Kal khawm nikhua leh eng eng emaw inhmuhkhawm kan neih pawhin remchang hmasa berah tingtang chuh a zaiho nghal tawp mai thin kan ni a, Thuthlung Hla lar deuh phei chu sa thiam lo kan awm mang lo.
    

Tun thleng hian keini ang rual, chhangchhe nu pawh kartin deuhthaw Biak Inah hlazirin an la kal tau tau peih a. Zai ngaina Bial annih avangin mal zai pawh an uar a, an inruat leh chawt mai zel bawk a. Nikum lawk khan ‘Thuthlung Hla Kutpui’ Music Committee huaihawtin buatsaih a ni a, kei pawh min sawm ve avangin ka han zai ve a ngang ngang a. PYD rual ho nen a Live ngawt mai a Thuthlung hla ngat han sak chu a ropui dangdai hle mai a, rual awh thlak ka ti hle bawk.
    

Ka sawi duh tak zawk a chu, kan thuthlung hla ruah\ham loh nalh tak takte hi, tuin nge min hlutpui ang a? Tu hian nge min sakpui ta ang le? Khuang muanga zai dep dep ho tan tenawm leh nuihzatthlak mai a ni si a. Keini lo chu chawisang a, hlut a, sa vul tur kan awm chuang dawn em ni? PYD ten fellowship-na a sa ringawt lo hian, kan fate, kan naute, kan tute hian Sunday School ah hian sakpui atan ka lo it na a rei tawh a, sawi ve na remchang ka hmu ta a nih hi. Naupang Sunday School ah te kan Thuthlung Hla sakho theihte sakpui \hin ta ila, kan naupangte pawh Thuthlungah kan sawh nghetin, an tana Sermon ropui leh an \han len zel nana \hil \ha kawhhmuhtu tamtak zingah pakhat tal alo ni mial maithei asin?!!
    

Bial Sunday School inkhawmpui pawh kan thleng leh \ep tawh mai a, malzai a intihsiaknaahte hian intihsiakn hla-ahte, Thuthlung Hlate hi han tel \hin ta mai se, a Pentecost ruih mai lo’ng maw? Solfa zaia kan intihsiakte hi ka dem lova, mahse Solfa  a endik turin thiam sang tak kan nei mumal silo! Thuthlung fa kan nih ang bawkin Thuthlung Hlate hian in awi tlei ila, kan fate rilruah hla hmangte in chi i tuh teh ang u khai.
    

Kan fate Thuthlungah nghet se, phatsan lo se tih hi nu leh pa tamtak duhdan a ni a, amaherawhchu, Thuthlunga sei lian, Thuthlung sawifiah thei lo leh fate zirtir theilo nu leh pa pawh awm theih a ni. Thuthlungah awm reng si hian, mi hmusitte tuar zo vek si hian Lalpa ram kan thleng zo leh si lovang tih a hlauhawm hlein ka hria. Kan fate hian Thuthlung awmzia la hre lovin sawifiah thiamlo mahse, kan hla hmangte hian an rilruah chi tuh ila, Biak Bukah Thlarau mite nungchangte hi hmu tam rawh se. Keini chhanchhe nu fa deuh chu kan fate avang hian inthlahrung takin kan inkhawm fo \hin. Amaherawhchu kan fate’n Biak Buk an ngainat loh hlauvin leh Thlarau mite nungchang an hre lovang tih hlauvin kan inkhawmpui ve hram hram \hin chu anih hi maw. Damloten damdawi an mamawh ang hian, an lo thanlen zelna turah damdawi tamtak zingah nachhawkna tal alo ni mial mahna!
    

Lalpan Thuthlungah min chentir a, a thlawnin Thuthlung min hmuh tir a, chutiang zelin Thuthlung fate tan Thlarau miten hla ropui leh nung tak tak anlo phhuah chhuak bawk a, heng hlate hi tu in nge min sakpui ang a, min hlutpui ta ang le? Thuthlung fate lo chuan an sa dawn si lo. Chuvangin Kohhran mipuite naupangte thleg hian Thuthlung Hla kan neihte hi uar thar leh ila, kan fate zirtir thin bawk ang u. UPC of Mizoram inti te zinga ka hmelhriat pakhatin ‘Thuthlung hlate Naupang Sunday School ah kan sakpui a, Solfa kan paih tial tial a ni’ tiin an veng a an tih dan min hrilh khan ka rilru a ti kal thui hle a ni.
    

Thu-te, hla hmangte in kan Thalaipuite leh Naupangten Lal Thuthlung hi i vuan nghet sauh sauh ang u.
                                                             Ka lawm e.