INTIHSIAKNA
Bial Sunday School Department Conference pawh alo hnai leh ta der mai. Hun reilote chhungin Lal pian cham rim a nam chho leh dawn ta niin a lang. Dam hi ava hlu tehlul em! Lalpa zarah vek a ni e. Lal Isua chu fakin awm rawh se! Intihsiakna kan hmachhawn dawn avangin Naupang SS Dept., te chuan ngawrh tak maiin Bible chang, hla leh thuinchhangte an zir tan ta mup mup mai a. Hawina lam apiangah Pathian Thu hriattur a awm ringawt pawh hi a thlamuan thlak ngai e!
Intihsiaknaa tel tumte chuan kan zavaiin pakhatna nih kan tum vek a. Chutihlaiin pakhatna chu mi pakhat chauhin a chang dawn lawi si. Local 5 atang hian tu emaw ber chu pakhatna ni tur chu an awm sa vek mai a. Amaherawhchu an thawhrim danin a hril thung dawn a ni.
Endiktute chuan ngun takin an en ang a tihdan diklo awmna lai apiangah mark an paih ang a. An tihdanah diklo a awm anih chuan lawmman 1-na an dawng dawnlo a ni. Chutiang zelin vawiinah hian intihsiakna field ah kan cheng vek a. Kan tum ram chu Vanram a ni. Vanramah erawh mi zawng zawng an lut dawn silo. He lei a thawkrimte leh endiktu duhdan anga awmte chauh chuan chu Vanram chu an chang dawn si a. Chu Vanram chang ve ngei tur chuan vawiin atang hian tan ila thar leh zual ila ava tha dawn em.
===================================
No comments:
Post a Comment