PATHIANNI, 24th MAY, 2015 ; VOL.I, ISSUE NO. 2 ; BAIRABI NORTH PYD ;

LOCAL CHURCH BOARD THUREL

   
    Dt. 19/5 (Thawhlehni) Zan hmang khan Local Church Board chuan Pastor Quarter-ah Committee pawimawh tak mai  a nei a. An thurel tlangpui Kohhrante tana hriattur pawimawhte kan han tarlang ange:

Pentecost Ni: Vawiin ni hi Pentecost Ni anih angin Local Church Board chuan Thuhriltu atan Bialtu Pastor P. Vanlalfela a ruat a. Tin, Inkhawm banah hian theitui leh a hmeh inhona neih tur a ni bawk ang. Lo buaipui turin Local PYD-te ruat an ni.

Inthlahna Programme: Sis. Zion Ramtharpani D/o Hmingchungnunga chu Dan Thianghlimin Pasal alo neih dawn tak avangin, Inthlahna hun hman dan tur hetiang hian siam a ni:

Thlahna Hun : Dt. 26th May, 2015
Chairman : Upa Kailash
Hunserh : Pastor P.Vanlalfela
Citation Hlantu : Upa C. Vanlalzawma

Local chhunga Department hrang hrangte’n Present an hlan bawk ang.

Appeal : Dt. 31/5 (Sunday) Zing inkhawm hmang hian Biak In Gate siamna tur Appeal neih tura ruahman a ni.

Biak In Lamtual siam dawn : Biak In Lamtual chhuat khawk chu Upa R. Vanlalnghaka’n ama sum sengin siam a tum a. A chungah hian Local Church Board chuan lawmthu a sawi a ni.

Septic Tank: Biak In compound-ah Septic Tank siamna tur hmun hma en fel nise tih chu lungrual taka passed a ni.
---------------------------------------------------------------------------------------------------------

LAD HNATLANG

Dt. 16th May (Inrinni) hmang khan Local LAD chuan Upa Vanlalbuka-te inkawtah chhang den hnatlang a nei a. Tin, hemi zan hian zawrh nghal a ni. Kohhran mipui lo dawrtute zawng zawng chungah hruaitute chuan lawmthu an sawi a ni.

BIAL FANNA & CAMPAIGN

Dt. 23 (Inrin Zan) hmang khan Bial LAD te chuan Bethel Kohhranah Bial fan programme hman pahin Buhfaitham campaign an nei.

TAWNGTAIPUI NGAI

Bro. Isak Lalrohlu-a, Bethel Kohhran kan Bial chhung ami chu Dilzawl hmunah District tirh angin Kohhran phun turin a awm mek a. Kohhran mipuiten kan tawngtainaah i hre reng ang u.

INNEIHNA DAR

Sis. Zion Ramtharpani D/O Hmingchungnunga, Bairabi North leh Evan. MS Dawngliana Ralte S/O Selchhunga, Durtlang-te chu Dt. 28/5 hmang hian Durtlang Biak In-ah an inneih dawn. Church Board rorel angin Dt. 26/5 (Thawhlehni) zan hmang hian intlahna hun hman a ni ang.
----------------------------------------------------------------------------------------------------------------

BEER LAHAI ROI EDITORIAL BOARD THUCHHUAK

Dt.18/5 (Thawhtanni) Zan hmang khan Beer Lahai Roi Editorial Board Meeting neih a ni a. Heta thurel tlangpuite chu:

Chanchinbu tih len: Beer Lahai Roi Phek 2 a tih chu Phek 4-a tih len tura ruahman a ni

Beer Lahai Roi Semtute tan lawmman : Beer Lahai Roi semtute tan kum tawpah lawmman siamsak an ni ang.

Article tha ber: Kum khat chhunga Article ziak tha ber thlan chhuah thin a ni dawn a. Hemi atan hian Kohhran mipuite lo inpuahchah turin kan insawm a ni.

----------------------------------------------------------------------------------------------------------------